헬라어 문장 검색 - Λυξιαν́Διαλογι

(루키아노스, Dialogi meretricii, μήτηρ καὶ Μουσάριον.)

ἂν δ̓ ἔτι τοιοῦτον ἐραστὴν εὑρ́ωμεν, ὦ Μουσάριον, οἱο͂σ ὁ Χαιρέασ ἐστί, θῦσαι μὲν τῇ πανδήμῳ δεήσει λευκὴν μηκάδα, τῇ οὐρανίᾳ δὲ τῇ ἐν κήποισ δάμαλιν, στεφανῶσαι δὲ καὶ τὴν πλουτοδότειραν, καὶ ὅλωσ μακάριαι καὶ τρισευδαίμονεσ ἐσόμεθα. νῦν ὁρᾷσ παρὰ τοῦ νεανίσκου ἡλίκα λαμβάνομεν, ὃσ ὀβολὸν μὲν οὐδεπώποτέ σοι δέδωκεν, οὐκ ἐσθῆτα, οὐχ ὑποδήματα, οὐ μύρον, ἀλλὰ προφάσεισ ἀεὶ καὶ ὑποσχέσεισ καὶ μακραὶ ἐλπίδεσ καὶ πολὺ τό, ἐὰν ὁ πατὴρ . . καὶ κύριοσ γένωμαι τῶν πατρῴων, καὶ πάντα σά. σὺ δὲ καὶ ὀμωμοκέναι αὐτὸν φὴσ ὅτι νόμῳ σε γαμετὴν ποιήσεται. ὤμοσε γάρ, ὦ μῆτερ, κατὰ ταῖν θεοῖν καὶ τῆσ Πολιάδοσ. καὶ πιστεύεισ δηλαδή· καὶ διὰ τοῦτο πρῴην οὐκ ἔχοντι αὐτῷ καταθεῖναι συμβολὴν τὸν δακτύλιον δέδωκασ ἀγνοούσησ ἐμοῦ, ὁ δὲ ἀποδόμενοσ κατέπιε, καὶ πάλιν τὰ δύο περιδέραια τὰ Ιὠνικά, ἕλκοντα ἑκάτερον δύο δαρεικούσ, ἅ σοι ὁ Χῖοσ Πραξίασ ὁ ναύκληροσ ἐκόμισε ποιησάμενοσ ἐν Ἐρέσῳ· ἐδεῖτο γὰρ Χαιρέασ ἔρανον συνεφήβοισ ἀπενεγκεῖν. ὀθόνασ γὰρ καὶ χιτωνίσκουσ τί ἂν λέγοιμι; καὶ ὅλωσ ἑρ́μαιόν τι ἡμῖν καὶ μέγα ὄφελοσ συμπέπτωκεν οὗτοσ. ἀλλὰ καλὸσ καὶ ἀγένειοσ, καὶ φησὶν ἐραν καὶ δακρύει καὶ Δεινομάχησ καὶ Λάχητοσ υἱόσ ἐστι τοῦ Ἀρεοπαγίτου καὶ φησὶν ἡμᾶσ γαμήσειν καὶ μεγάλασ ἐλπίδασ ἔχομεν παῤ αὐτοῦ, ἢν ὁ γέρων μόνον καταμύσῃ.

οὐκοῦν, ὦ Μουσάριον, ἐὰν ὑποδήσασθαι δέῃ, καὶ ὁ σκυτοτόμοσ αἰτῇ τὸ δίδραχμον, ἐροῦμεν πρὸσ αὐτόν, Ἀργύριον μὲν οὐκ ἔχομεν, σὺ δὲ τῶν ἐλπίδων ὀλίγασ παῤ ἡμῶν λαβέ· καὶ πρὸσ τὸν ἀλφιτοπώλην τὰ αὐτά· καὶ ἢν τὸ ἐνοίκιον αἰτώμεθα, Περίμεινον, φήσομεν, ἔστ̓ ἂν Λάχησ ὁ Κολυττεὺσ ἀποθάνῃ· ἀποδώσομεν γάρ σοι μετὰ τοὺσ γάμουσ. οὐκ αἰσχύνῃ μόνη τῶν ἑταιρῶν οὐκ ἐλλόβιον οὐχ ὁρ́μον οὐ ταραντινίδιον ἔχουσα; τί οὖν, ὦ μῆτερ;

ἐκεῖναι εὐτυχέστεραί μου καὶ καλλίουσ εἰσίν; οὔκ, ἀλλὰ συνετώτεραι καὶ ἴσασιν ἑταιρίζειν, οὐδὲ πιστεύουσι ῥηματίοισ καὶ νεανίσκοισ ἐπ̓ ἄκρου τοῦ χείλουσ τοὺσ ὁρ́κουσ ἔχουσι· σὺ δὲ εἶ πιστὴ καὶ φίλανδροσ οὐδὲ προσίῃ ἄλλον τινὰ ὅτι μὴ μόνον Χαιρέαν· καὶ πρῴην μὲν ὅτε ὁ γεωργὸσ ὁ Ἀχαρνεὺσ ἧκε δύο μνᾶσ κομίζων, ἀγένειοσ καὶ αὐτόσ ‐ οἴνου δὲ τιμὴν ἀπειλήφει τοῦ πατρὸσ πέμψαντοσ ‐ σὺ δὲ ἐκεῖνον μὲν ἀπεμύκτισασ, καθεύδεισ δὲ μετὰ τοῦ Ἀδώνιδοσ Χαιρέου. τί οὖν; ἐχρῆν Χαιρέαν καταλείψασαν παραδέξασθαι τὸν ἐργάτην ἐκεῖνον κινάβρασ ἀπόζοντα; λεῖόσ μοι, φασί, Χαιρέασ καὶ χοιρίσκοσ Ἀχαρνικόσ. ἔστω· ἐκεῖνοσ ἀγροῖκοσ καὶ πονηρὸν ἀποπνεῖ. τί καὶ Ἀντιφῶντα τὸν Μενεκράτουσ μνᾶν ὑπισχνούμενον οὐδὲ τοῦτον ἐδέξω; οὐ καλὸσ ἦν καὶ ἀστεῖοσ καὶ ἡλικιώτησ Χαιρέου; ἀλλ̓ ἠπείλησε Χαιρέασ ἀποσφάξειν ἀμφοτέρουσ, εἰ λάβοι μέ ποτε μετ̓ αὐτοῦ.

πόσοι δὲ καὶ ἄλλοι ταῦτα ἀπειλοῦσιν; οὐκοῦν ἀνέραστοσ σὺ μενεῖσ διὰ τοῦτο καὶ σωφρονήσεισ καθάπερ οὐχ ἑταίρα, τῆσ δὲ Θεσμοφόρου ἱέρειά τισ οὖσα; ἐῶ τἆλλα. τήμερον Ἁλῶά ἐστι. τί δέ σοι δέδωκεν ἐσ τὴν ἑορτήν; οὐκ ἔχει, ὦ μαννάριον. μόνοσ οὗτοσ οὐ τέχνην εὑρ́ηκεν ἐπὶ τὸν πατέρα, οὐκ οἰκέτην καθῆκεν ἐξαπατήσοντα, οὐκ ἀπὸ τῆσ μητρὸσ ᾔτησεν ἀπειλήσασ ἀποπλευσεῖσθαι στρατευσόμενοσ, εἰ μὴ λάβοι, ἀλλὰ κάθηται ἡμᾶσ ἐπιτρίβων μήτε αὐτὸσ διδοὺσ μήτε παρὰ τῶν διδόντων ἐῶν λαμβάνειν; σὺ δὲ οἰεί, ὦ Μουσάριον, ὀκτωκαίδεκα ἐτῶν ἀεὶ ἔσεσθαι; ἢ τὰ αὐτὰ φρονήσειν Χαιρέαν, ὅταν πλουτῇ μὲν αὐτόσ, ἡ δὲ μήτηρ γάμον πολυτάλαντον ἐξεύρῃ αὐτῷ; μνησθήσεται ἔτι, οἰεί, τότε τῶν δακρύων ἢ τῶν φιλημάτων ἢ τῶν ὁρ́κων πέντε ἴσωσ τάλαντα προικὸσ βλέπων; μνησθήσεται ἐκεῖνοσ· δεῖγμα δέ, ὡσ οὐδὲ νῦν γεγάμηκεν, ἀλλὰ καταναγκαζόμενοσ καὶ βιαζόμενοσ ἠρνήσατο. γένοιτο μὴ ψεύδεσθαι. ἀναμνήσω δέ σε, ὦ Μουσάριον, τότε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Dialogi meretricii, μήτηρ καὶ Μουσάριον.

(루키아노스, Dialogi meretricii, μήτηρ καὶ Μουσάριον.)

상위

목록

SEARCH

MENU NAVIGATION