Lucian, Dialogi meretricii, μέλιττα καὶ Βάκχισ. 5:

(루키아노스, Dialogi meretricii, μέλιττα καὶ Βάκχισ. 5:)

ταύτασ κρεμάσασα ἐκ παττάλου ὑποθυμιᾷ τῷ θείῳ, πάττουσα καὶ τῶν ἁλῶν ἐπὶ τὸ πῦρ· σὺ δέ, ὦ Ἀκί, τὸν ἄρτον καὶ τὸ θεῖον καὶ τα ἄλλα πάντα πρὸσ τὴν ἐπῳδὴν εὐτρέπιζε. ἐπιλέγει δὲ ἀμφοῖν τὰ ὀνόματα καὶ τὸ ἐκείνου καὶ τὸ σόν. εἶτα ἐκ τοῦ κόλπου προκομίσασα ῥόμβου ἐπιστρέφει ἐπῳδήν τινα λέγουσα ἐπιτρόχῳ τῇ γλώττῃ, βαρβαρικὰ καὶ φρικώδη ὀνόματα. ταῦτα ἐποίησε τότε. καὶ μετ̓ οὐ πολὺ Φανίασ, ἅμα καὶ τῶν συνεφήβων ἐπιτιμησάντων αὐτῷ καὶ τῆσ Φοιβίδοσ, ᾗ συνῆν, πολλὰ αἰτούσησ, ἧκέ μοι, τί πλέον; ὑπὸ τῆσ ἐπῳδῆσ ἀγόμενοσ. ἔτι δὲ καὶ τοῦτό με σφόδρα κατὰ τῆσ Φοιβίδοσ τὸ μίσηθρον ἐδιδάξατο, τηρήσασαν τὸ ἴχνοσ, ἐπὰν ἀπολίποι, ἀμαυρώσασαν ἐπιβῆναι μὲν τῷ ἀριστερῷ ἐκείνησ τὸν ἐμὸν δεξιόν, τῷ δεξιῷ δὲ τὸν ἀριστερὸν ἔμπαλιν καὶ λέγειν, Ἐπιβέβηκά σοι καὶ ὑπεράνω εἰμί· καὶ ἐποίησα ὡσ προσέταξε. μὴ μέλλε, μὴ μέλλε, ὦ Βακχί, κάλει ἤδη τὴν Σύραν.

일치하는 문장이 없습니다.

SEARCH

MENU NAVIGATION