헬라어 문장 검색 - ΕπιξτέΩορκσ́04́15́

(에픽테토스, Works, book 2, Πρὸσ τοὺσ σκληρῶσ τισιν ὧν ἔκριναν ἐμμένοντασ.)

Ὅταν ἀκούσωσί τινεσ τούτων τῶν λόγων, ὅτι βέβαιον εἶναι δεῖ καὶ ἡ μὲν προαίρεσισ ἐλεύθερον φύσει καὶ ἀνανάγκαστον, τὰ δ’ ἄλλα κωλυτά, ἀναγκαστά, δοῦλα, ἀλλότρια, φαντάζονται ὅτι δεῖ παντὶ τῷ κριθέντι ὑπ’ αὐτῶν ἀπαραβάτωσ ἐμμένειν. ἀλλὰ πρῶτον ὑγιὲσ εἶναι δεῖ τὸ κεκριμένον.

θέλω γὰρ εἶναι τόνουσ ἐν σώματι, ἀλλ’ ὡσ ὑγιαίνοντι, ὡσ ἀθλοῦντι· ἂν δέ μοι φρενιτικοῦ τόνουσ ἔχων ἐνδεικνύῃ[σ] καὶ ἀλαζονεύῃ ἐπ’ αὐτοῖσ, ἐρῶ σοι ὅτι "ἄνθρωπε, ζήτει τὸν θεραπεύσοντα.

τοῦτο οὐκ εἰσὶ τόνοι, ἀλλ’ ἀτονία" 3. ἕτερον τρόπον τοιοῦτόν τι καὶ ἐπὶ τῆσ ψυχῆσ πάσχουσιν οἱ παρακούοντεσ τῶν λόγων τούτων. οἱο͂ν καὶ ἐμόσ τισ ἑταῖροσ ἐξ οὐδεμιᾶσ αἰτίασ ἔκρινεν ἀποκαρτερεῖν.

ἔγνων ἐγὼ ἤδη τρίτην ἡμέραν ἔχοντοσ αὐτοῦ τῆσ ἀποχῆσ καὶ ἐλθὼν ἐπυνθανόμην τί ἐγένετο.

‐ Κέκρικα, φησίν.

‐ Ἀλλ’ ὅμωσ τί σε ἦν τὸ ἀναπεῖσαν; εἰ γὰρ ὀρθῶσ ἔκρινασ, ἰδοὺ παρακαθήμεθά σοι καὶ συνεργοῦμεν, ἵν’ ἐξέλθῃσ· εἰ δ’ ἀλόγωσ ἔκρινασ, μετάθου. ‐ Τοῖσ κριθεῖσιν ἐμμένειν δεῖ.

‐ Τί ποιεῖσ, ἄνθρωπε; οὐ πᾶσιν, ἀλλὰ τοῖσ ὀρθῶσ. ἐπεὶ παθὼν ἄρτι ὅτι νύξ ἐστιν, ἄν σοι δοκῇ, μὴ μετατίθεσο, ἀλλ’ ἔμμενε καὶ λέγε ὅτι τοῖσ κριθεῖσιν ἐμμένειν δεῖ. [τί ποιεῖσ, ἄνθρωπε;

οὐ πᾶσιν. ] οὐ θέλεισ τὴν ἀρχὴν στῆσαι καὶ τὸν θεμέλιον, τὸ κρίμα σκέψασθαι πότερον ὑγιὲσ ἢ οὐχ ὑγιέσ, καὶ οὕτωσ λοιπὸν ἐποικοδομεῖν αὐτῷ τὴν εὐτονίαν, τὴν ἀσφάλειαν; ἂν δὲ σαπρὸν ὑποστήσῃ καὶ καταπῖπτον, οὐκ οἰκοδόμημά τι ὄν, ὅσῳ δ’ ἂν πλείονα καὶ ἰσχυρότερα ἐπιθῇσ, τοσούτῳ θᾶττον [θᾶττον] κατενεχθήσεται.

ἄνευ πάσησ αἰτίασ ἐξάγεισ ἡμῖν ἄνθρωπον ἐκ τοῦ ζῆν φίλον καὶ συνήθη, τῆσ αὐτῆσ πόλεωσ πολίτην καὶ τῆσ μεγάλησ καὶ τῆσ μικρᾶσ·

εἶτα φόνον ἐργαζόμενοσ καὶ ἀπολλύων ἄνθρωπον μηδὲν ἠδικηκότα λέγεισ ὅτι τοῖσ κριθεῖσιν ἐμμένειν δεῖ.

εἰ δ’ ἐπῆλθέν σοί πώσ ποτ’ ἐμὲ ἀποκτεῖναι, ἔδει σε ἐμμένειν τοῖσ κριθεῖσιν;

Ἐκεῖνοσ μὲν οὖν μόγισ μετεπείσθη. τῶν δὲ νῦν τινασ οὐκ ἔστι μεταθεῖναι.

ὥστε μοι δοκῶ ὃ πρότερον ἠγνόουν νῦν εἰδέναι, τί ἐστι τὸ ἐν τῇ συνηθείᾳ λεγόμενον· μωρὸν οὔτε πεῖσαι οὔτε ῥῆξαι ἔστιν. μή μοι γένοιτο φίλον ἔχειν σοφὸν μωρόν.

δυσμεταχειριστότερον οὐδέν ἐστιν. "κέκρικα. " καὶ γὰρ οἱ μαινόμενοι· ἀλλ’ ὅσῳ βεβαιότερον κρίνουσι τὰ οὐκ ὄντα, τοσούτῳ πλείονοσ ἐλλεβόρου δέονται. οὐ θέλεισ τὰ τοῦ νοσοῦντοσ ποιεῖν καὶ τὸν ἰατρὸν παρακαλεῖν;

"νοσῶ, κύριε· βοήθησόν μοι. τί με δεῖ ποιεῖν σκέψαι· ἐμόν ἐστι πείθεσθαί σοι. " οὕτωσ καὶ ἐνταῦθ’.

"ἃ δεῖ με ποιεῖν οὐκ οἶδα, ἐλήλυθα δὲ μαθησόμενοσ. " οὔ, ἀλλὰ "περὶ τῶν ἄλλων μοι λέγε. τοῦτο δὲ κέκρικα".

περὶ ποίων ἄλλων; τί γάρ ἐστι μεῖζον ἢ προὐργιαίτερον τοῦ πεισθῆναί σε, ὅτι οὐκ ἀρκεῖ τὸ κεκρικέναι καὶ τὸ μὴ μεταθέσθαι; οὗτοι οἱ μανικοὶ τόνοι, οὐχ ὑγιεινοί.

"ἀποθανεῖν θέλω, ἄν με τοῦτο ἀναγκάσῃσ. " διὰ τί, ἄνθρωπε; τί ἐγένετο; "κέκρικα. " ἐσώθην, ὅτι οὐ κέκρικασ ἐμὲ ἀποκτεῖναι. "ἀργύριον οὐ λαμβάνω.

" διὰ τί; "κέκρικα. " ἴσθι ὅτι ᾧ τόνῳ νῦν χρῇ πρὸσ τὸ μὴ λαμβάνειν, οὐδὲν κωλύει σε ἀλόγωσ ποτὲ ῥέψαι πρὸσ τὸ λαμβάνειν καὶ πάλιν λέγειν ὅτι " 3κέκρικα", ὥσπερ ἐν νοσοῦντι καὶ ῥευματιζομένῳ σώματι ποτὲ μὲν ἐπὶ ταῦτα ποτὲ δ’ ἐπ’ ἐκεῖνα ῥέπει τὸ ῥεῦμα. οὕτωσ καὶ ἀσθενὴσ ψυχή, ὅπου μὲν κλίνει, ἄδηλον ἔχει·

ὅταν δὲ καὶ τόνοσ προσῇ τῷ κλίματι τούτῳ καὶ τῇ φορᾷ, τότε γίνεται τὸ κακὸν ἀβοήθητον καὶ ἀθεράπευτον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Epictetus, Works, book 2, Πρὸσ τοὺσ σκληρῶσ τισιν ὧν ἔκριναν ἐμμένοντασ.

(에픽테토스, Works, book 2, Πρὸσ τοὺσ σκληρῶσ τισιν ὧν ἔκριναν ἐμμένοντασ.)

상위

목록

SEARCH

MENU NAVIGATION