호흡부호 보기
강세부호 보기
장단부호 보기
작은 Iota 보기
모든 부호 보기
Ἔνθεν δὲ ἀναλαβὼν τούσ τε τοξότασ καὶ τοὺσ Ἀγριᾶνασ καὶ τὴν ἵππον τὴν ἅμα οἷ πλέουσαν ἐξελαύνει ἐπὶ τὸν νομάρχην τῆσ ταύτῃ γῆσ, ὄνομα δὲ ἦν Ὀξικανόσ, ὅτι μήτε αὐτὸσ ἀφῖκτο μήτε πρέσβεισ παῤ αὐτοῦ ἧκον ἐνδιδόντεσ αὐτόν τε καὶ τὴν χώραν. δύο μὲν δὴ τὰσ μεγίστασ πόλεισ τῶν ὑπὸ τῷ Ὀξικανῷ ἐξ ἐφόδου κατὰ κράτοσ ἔλαβεν, ἐν δὲ τῇ ἑτέρᾳ τούτων καὶ αὐτὸσ Ὀξικανὸσ ἑάλω.
ὁ δὲ τὴν μὲν λείαν τῇ στρατιᾷ δίδωσι, τοὺσ ἐλέφαντασ δὲ ἅμα οἷ ἦγε· καὶ αἱ ἄλλαι δὲ πόλεισ αὐτῷ αἱ ἐν τῇ αὐτῇ χώρᾳ ἐνεδίδοντο ἐπιόντι οὐδέ τισ ἐτρέπετο ἐσ ἀλκήν· οὕτω καὶ Ἰνδοὶ πάντεσ ἐδεδούλωντο ἤδη τῇ γνώμῃ πρὸσ Ἀλεξάνδρου τε καὶ τῆσ Ἀλεξάνδρου τύχησ. Ὁ δὲ ἐπὶ Σάμβον αὖ ἦγε τῶν ὀρείων Ἰνδῶν σατράπην ὑπ̓ αὐτοῦ κατασταθέντα, ὃσ πεφευγέναι αὐτῷ ἐξηγγέλλετο ὅτι Μουσικανὸν ἀφειμένον πρὸσ Ἀλεξάνδρου ἐπύθετο καὶ τῆσ χώρασ τῆσ ἑαυτοῦ ἄρχοντα·
τὰ γὰρ πρὸσ Μουσικανὸν αὐτῷ πολέμια ἦν. ὡσ δὲ ἐπέλαζεν ἤδη τῇ πόλει Ἀλέξανδροσ, ἥντινα μητρόπολιν εἶχεν ἡ τοῦ Σάμβου χώρα, ὄνομα δὲ ἦν τῇ πόλει Σινδίμανα, αἵ τε πύλαι αὐτῷ ἀνοίγονται προσάγοντι καὶ οἱ οἰκεῖοι οἱ τοῦ Σάμβου τά τε χρήματα ἀπηρίθμησαν καὶ τοὺσ ἐλέφαντασ μετὰ σφῶν ἄγοντεσ ἀπήντων·
οὐ γὰρ δὴ Ἀλεξάνδρῳ γε πολεμίωσ ἔχοντα Σάμβον φυγεῖν, ἀλλὰ Μουσικανοῦ τὴν ἄφεσιν δείσαντα. ὁ δὲ καὶ ἄλλην πόλιν ἐν τούτῳ ἀποστᾶσαν εἷλεν καὶ τῶν Βραχμάνων, οἳ δὴ σοφισταὶ τοῖσ Ἰνδοῖσ εἰσιν, ὅσοι αἴτιοι τῆσ ἀποστάσεωσ ἐγένοντο ἀπέκτεινεν.
ὑπὲρ ὧν ἐγὼ τῆσ σοφίασ, εἰ δή τίσ ἐστιν, ἐν τῇ Ἰνδικῇ ξυγγραφῇ δηλώσω.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기