헬라어 문장 검색 - ΠολψβίΗιστορί10́041́

(폴리비오스, Histories, book 10, vii. res graeciae)

Οἱ μὲν Αἰτωλοί, προσφάτωσ ἐπηρμένοι ταῖσ ἐλπίσιν ἐπὶ τῇ Ῥωμαίων καὶ τῇ τοῦ βασιλέωσ Ἀττάλου παρουσίᾳ, πάντασ ἐξέπληττον καὶ πᾶσιν ἐπέκειντο κατὰ γῆν, οἱ δὲ περὶ τὸν Ἄτταλον καὶ Πόπλιον κατὰ θάλατταν. διόπερ ἧκον Ἀχαιοὶ μὲν παρακαλοῦντεσ τὸν Φίλιππον βοηθεῖν·

οὐ γὰρ μόνον τοὺσ Αἰτωλοὺσ ἠγωνίων, ἀλλὰ καὶ τὸν Μαχανίδαν διὰ τὸ προκαθῆσθαι μετὰ τῆσ δυνάμεωσ ἐπὶ τοῖσ τῶν Ἀργείων ὁρ́οισ. Βοιωτοὶ δὲ δεδιότεσ τὸν στόλον τῶν ὑπεναντίων, ἡγεμόνα καὶ βοήθειαν ᾔτουν.

φιλοπονώτατά γε μὴν οἱ τὴν Εὔβοιαν κατοικοῦντεσ ἠξίουν ἔχειν τινὰ πρόνοιαν τῶν πολεμίων. παραπλήσια δ’ Ἀκαρνᾶνεσ παρεκάλουν. ἦν δὲ καὶ παρ’ Ἠπειρωτῶν πρεσβεία.

προσήγγελτο δὲ καὶ Σκερδιλαί̈δαν καὶ Πλευρᾶτον ἐξάγειν τὰσ δυνάμεισ· ἔτι δὲ τοὺσ προσοροῦντασ τῇ Μακεδονίᾳ Θρᾷκασ, καὶ μάλιστα τοὺσ Μαιδούσ, ἐπιβολὰσ ἔχειν ὡσ ἐμβαλοῦντασ ἐπὶ Μακεδονίαν, ἐὰν βραχύ τι μόνον ὁ βασιλεὺσ τῆσ οἰκείασ ἀποσπασθῇ. προκατελάμβανον δὲ καὶ τὰ περὶ Θερμοπύλασ στενὰ τάφροισ καὶ χάρακι καὶ φυλακαῖσ βαρείαισ Αἰτωλοί, πεπεισμένοι συγκλείειν τὸν Φίλιππον καὶ καθόλου κωλύειν παραβοηθεῖν τοῖσ ἐντὸσ Πυλῶν συμμάχοισ.

δοκεῖ δέ μοι τὰσ τοιαύτασ περιστάσεισ εὐλόγωσ ἄν τισ ἐπισημήνασθαι καὶ συνεφιστάνειν τοὺσ ἀναγινώσκοντασ, ἐν αἷσ πεῖρα καὶ βάσανοσ ἀληθινὴ γίνεται κατὰ τάσ τε ψυχικὰσ ὁρμὰσ καὶ τὰσ σωματικὰσ δυνάμεισ τῶν ἡγεμόνων.

καθάπερ γὰρ ἐν ταῖσ κυνηγεσίαισ τὰ ζῷα τότε διάδηλα γίνεται κατὰ τὴν ἀλκὴν καὶ τὴν δύναμιν, ὅταν τὸ δεινὸν αὐτὰ περιστῇ πανταχόθεν, τὸν αὐτὸν τρόπον συμβαίνει καὶ ἐπὶ τῶν ἡγουμένων.

ὃ δὴ τότε μάλιστα συνιδεῖν ἦν γινόμενον ὑπὸ τοῦ Φιλίππου·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 10, vii. res graeciae

(폴리비오스, Histories, book 10, vii. res graeciae)

상위

목록

SEARCH

MENU NAVIGATION