헬라어 문장 검색 - ΠολψβίΗιστορί10́048́

(폴리비오스, Histories, book 10, viii. res asiae)

Οἱ δ’ Ἀπασιάκαι κατοικοῦσι μὲν ἀνὰ μέσον Ὄξου καὶ Τανάιδοσ, ὧν ὁ μὲν εἰσ τὴν Ὑρκανίαν ἐμβάλλει θάλατταν, ὁ δὲ Τάναϊσ ἐξίησιν εἰσ τὴν Μαιῶτιν λίμνην· εἰσὶ δ’ ἑκάτεροι κατὰ τὸ μέγεθοσ πλωτοί. καὶ δοκεῖ θαυμαστὸν εἶναι πῶσ οἱ Νομάδεσ περαιούμενοι τὸν Ὄξον εἰσ τὴν Ὑρκανίαν ἔρχονται πεζῇ μετὰ τῶν ἵππων.

εἰσὶ δὲ δύο λόγοι περὶ τούτου τοῦ πράγματοσ, ὁ μὲν ἐπιεικήσ, ὁ δ’ ἕτεροσ παράδοξοσ, οὐ μὴν ἀδύνατοσ.

ὁ γὰρ Ὄξοσ ἔχει μὲν ἐκ τοῦ Καυκάσου τὰσ πηγάσ, ἐπὶ πολὺ δ’ αὐξηθεὶσ ἐν τῇ Βακτριανῇ, συρρεόντων εἰσ αὐτὸν ὑδάτων, φέρεται διὰ πεδιάδοσ χώρασ πολλῷ καὶ θολερῷ ῥεύματι.

παραγενόμενοσ δ’ εἰσ τὴν ἔρημον ἐπί τινασ πέτρασ ἀπορρῶγασ ἐξωθεῖ τὸ ῥεῦμα τῇ βίᾳ διὰ τὸ πλῆθοσ καὶ τὴν καταφορὰν τῶν ὑπερκειμένων τόπων ἐπὶ τοσοῦτον ὥστε τῆσ πέτρασ ἐν τοῖσ κάτω μέρεσι πλεῖον ἢ στάδιον ἀφάλλεσθαι τὴν καταφορὰν αὐτοῦ.

διὰ δὴ τούτου τοῦ τόπου φασὶ τοὺσ Ἀπασιάκασ παρ’ αὐτὴν τὴν πέτραν ὑπὸ τὴν καταφορὰν τοῦ ποταμοῦ πεζεύειν μετὰ τῶν ἵππων εἰσ τὴν Ὑρκανίαν.

ὁ δ’ ἕτεροσ λόγοσ ἐπιεικεστέραν ἔχει τοῦ πρόσθεν τὴν ἀπόφασιν.

τοῦ γὰρ ὑποκειμένου τόπου μεγάλουσ ἔχοντοσ πλαταμῶνασ, εἰσ οὓσ καταρράττει, τούτουσ φασὶ τῇ βίᾳ τοῦ ῥεύματοσ ἐκκοιλαίνοντα καὶ διαρρηγνύντα κατὰ βάθοσ ὑπὸ γῆν φέρεσθαι τόπον οὐ πολύν, εἶτ’ ἀναφαίνεσθαι πάλιν. τοὺσ δὲ βαρβάρουσ διὰ τὴν ἐμπειρίαν κατὰ τὸν διαλείποντα τόπον ποιεῖσθαι τὴν δίοδον ἐπὶ τῶν ἵππων εἰσ τὴν Ὑρκανίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 10, viii. res asiae

(폴리비오스, Histories, book 10, viii. res asiae)

상위

목록

SEARCH

MENU NAVIGATION