헬라어 문장 검색 - ΠολψβίΗιστορί10́043́

(폴리비오스, Histories, book 10, chapter 43)

Τοῦ δὲ κατὰ τὰσ πυρσείασ γένουσ, μεγίστασ δὴ παρεχομένου χρείασ ἐν τοῖσ πολεμικοῖσ, ἀνεργάστου πρότερον ὑπάρχοντοσ, χρήσιμον εἶναί μοι δοκεῖ τὸ μὴ παραδραμεῖν, ἀλλὰ ποιήσασθαι περὶ αὐτοῦ τὴν ἁρμόζουσαν μνήμην. ὅτι μὲν οὖν ὁ καιρὸσ ἐν πᾶσι μεγάλην ἔχει μερίδα πρὸσ τὰσ ἐπιβολάσ, μεγίστην δ’ ἐν τοῖσ πολεμικοῖσ, παντὶ δῆλον·

τῶν δὲ πρὸσ τοῦτο συναγωνισμάτων πλείστην ἔχουσι δύναμιν οἱ πυρσοί. ἄρτι γὰρ τὰ μὲν γέγονε, τινὰ δ’ ἀκμὴν ἐνεργεῖται καὶ δυνατόν ἐστι γινώσκειν, ᾧ μέλει, ποτὲ μὲν ἡμερῶν τριῶν ἢ τεττάρων ὁδὸν ἀπέχοντι, ποτὲ δὲ καὶ πλειόνων.

ὥστ’ ἀεὶ τοῖσ δεομένοισ πράγμασιν ἐπικουρίασ παράδοξον γίνεσθαι τὴν βοήθειαν διὰ τῆσ τῶν πυρσῶν ἀπαγγελίασ.

τὸν μὲν οὖν πρὸ τούτου χρόνον ἁπλῆσ γινομένησ τῆσ πυρσείασ κατὰ τὸ πλεῖστον αὐτὴν ἀνωφελῆ συνέβαινε γίνεσθαι τοῖσ χρωμένοισ.

διὰ γὰρ συνθημάτων ὡρισμένων ἔδει τὴν χρείαν συντελεῖν·

τῶν δὲ πραγμάτων ἀορίστων ὑπαρχόντων τὰ πλεῖστα διέφυγε τὴν τῶν πυρσῶν χρείαν, οἱο͂ν ἐπ’ αὐτῶν τῶν νῦν εἰρημένων. ὅτι μὲν οὖν εἰσ Ὠρεὸν καὶ Πεπάρηθον ἢ Χαλκίδα πάρεστι στόλοσ, δυνατὸν ἦν διασαφεῖν τοῖσ περὶ τούτου συνθεμένοισ·

μάλιστα δὲ τὰ παραδόξωσ γινόμενα τῆσ ἐκ τοῦ καιροῦ συμβουλίασ καὶ ἐπικουρίασ προσδεῖται ‐ τὰ τοιαῦτα πάντα διέφυγε τὴν τῶν πυρσῶν χρείαν.

περὶ ὧν γὰρ οὐκ ἐνεδέχετο προνοηθῆναι, περὶ τούτων οὐδὲ σύνθημα ποιήσασθαι δυνατόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 10, chapter 43

(폴리비오스, Histories, book 10, chapter 43)

상위

목록

SEARCH

MENU NAVIGATION