헬라어 문장 검색 - Πλυταρ́Συλλά23́

(플루타르코스, Sulla, chapter 23)

τούτων ὁμολογηθέντων ἀναστρέψασ ἐβάδιζε διὰ Θετταλίασ καὶ Μακεδονίασ ἐπὶ τὸν Ἑλλήσποντον, ἔχων μεθ’ αὐτοῦ τὸν Ἀρχέλαον ἐν τιμῇ. καὶ νοσήσαντοσ ἐπισφαλῶσ περὶ Λάρισσαν ἐπιστήσασ τὴν πορείαν, ὡσ ἑνὸσ τῶν ὑπ’ αὐτὸν ἡγεμόνων καὶ στρατηγῶν ἐπεμελήθη. ταῦτά τε δὴ διέβαλλε τὸ περὶ Χαιρώνειαν ἔργον ὡσ οὐχὶ καθαρῶσ ἀγωνισθέν, καὶ ὅτι τοὺσ ἄλλουσ Μιθριδάτῃ φίλουσ, οὓσ εἶχεν αἰχμαλώτουσ, ἀποδοὺσ ὁ Σύλλασ Ἀριστίωνα μόνον τὸν τύραννον ἀνεῖλε διὰ φαρμάκων Ἀρχελάῳ διάφορον ὄντα·

μάλιστα δ’ ἡ δοθεῖσα γῆ τῷ Καππαδόκῃ μυρίων πλέθρων ἐν Εὐβοίᾳ, καὶ τὸ Ῥωμαίων φίλον αὐτὸν καὶ σύμμαχον ὑπὸ Σύλλα ἀναγραφῆναι. περὶ μὲν οὖν τούτων αὐτὸσ ὁ Σύλλασ ἐν τοῖσ ὑπομνήμασιν ἀπολογεῖται. "τί φατε;

"Μιθριδάτησ Παφλαγονίασ ἀντιποιεῖται καὶ περὶ τῶν νεῶν ἔξαρνόσ ἐστιν, ὃν ἐγὼ προσκυνήσειν ἐνόμιζον, εἰ τὴν δεξιὰν αὐτῷ καταλείποιμι χεῖρα, δι’ ἧσ τοσούτουσ Ῥωμαίων ἀνεῖλεν; "ἑτέρασ μέντοι τάχα φωνὰσ ἀφήσει διαβάντοσ εἰσ Ἀσίαν ἐμοῦ νῦν δὲ ἐν Περγάμῳ καθήμενοσ ὃν οὐχ ἑώρακε διαστρατηγεῖ πόλεμον. οἱ μὲν οὖν πρέσβεισ φοβηθέντεσ ἡσύχαζον, ὁ δὲ Ἀρχέλαοσ ἐδεῖτο τοῦ Σύλλα καὶ κατεπράϋνε τὴν ὀργήν, ἁπτόμενοσ τῆσ δεξιᾶσ αὐτοῦ καὶ δακρύων.

τέλοσ δ’ ἔπεισεν ἀποσταλῆναι αὐτὸσ πρὸσ τὸν Μιθριδάτην διαπράξεσθαι γὰρ ἐφ’ οἷσ βούλεται τὴν εἰρήνην, εἰ δὲ μὴ πείθοι, κτενεῖν αὐτὸσ αὐτόν. ἐπὶ τούτοισ ἐκπέμψασ ἐκεῖνον αὐτὸσ εἰσ τὴν Μαιδικὴν ἐνέβαλε, καὶ τὰ πολλὰ διαπορθήσασ πάλιν ἀνέστρεψεν εἰσ Μακεδονίαν, καὶ τὸν Ἀρχέλαον ἐδέξατο περὶ Φιλίππουσ ἀγγέλλοντα καλῶσ ἔχειν πάντα·

δεῖσθαι δὲ πάντωσ αὐτῷ τὸν Μιθριδάτην εἰσ λόγουσ ἐλθεῖν. αἴτιοσ δ’ ἦν μάλιστα Φιμβρίασ, ὃσ τὸν ἀπὸ τῆσ ἑτέρασ στάσεωσ ἄρχοντα Φλάκκον ἀνελὼν καὶ τῶν Μιθριδατικῶν στρατηγῶν κρατήσασ ἐπ’ αὐτὸν ἐκεῖνον ἐβάδιζε.

ταῦτα γὰρ δείσασ ὁ Μιθριδάτησ μᾶλλον εἵλετο τῷ Σύλλᾳ φίλοσ γενέσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Sulla, chapter 23

(플루타르코스, Sulla, chapter 23)

상위

목록

SEARCH

MENU NAVIGATION