헬라어 문장 검색 - Πλυταρ́Συλλά11́

(플루타르코스, Sulla, chapter 11)

λέγεται δὲ ὑπὸ τάσ ἡμέρασ ἐκείνασ ἐν αἷσ ὁ Σύλλασ ἀπὸ τῆσ Ἰταλίασ ἐκίνει τὸν στόλον, ἄλλα τε πολλὰ Μιθριδάτῃ διατρίβοντι περὶ τὸ Πέργαμον ἐπισκῆψαι δαιμόνια, καὶ Νίκην στεφανηφόρον καθιεμένην ὑπὸ τῶν Περγαμηνῶν ἐπ’ αὐτὸν ἔκ τινων ὀργάνων ἄνωθεν ὅσον οὔπω τῆσ κεφαλῆσ ψαύουσαν συντριβῆναι, καὶ τὸν στέφανον ἐκπεσόντα κατὰ τοῦ θεάτρου φέρεσθαι χαμᾶζε διαθρυπτόμενον, ὥστε φρίκην μὲν τῷ δήμῳ, ἀθυμίαν δὲ πολλὴν Μιθριδάτῃ παρασχεῖν, καίπερ αὐτῷ τότε τῶν πραγμάτων ἐλπίδοσ πέρα προχωρούντων. ἄλλουσ δὲ οἱ στρατηγοὶ τόπουσ ἐχειροῦντο δυνάμεισ ἔχοντεσ, ὧν ὁ μέγιστοσ Ἀρχέλαοσ ταῖσ μὲν ναυσὶν ὁμοῦ τι συμπάσησ ἐπικρατῶν τῆσ θαλάττησ τάσ τε Κυκλάδασ νήσουσ ἐδουλοῦτο καὶ τῶν ἄλλων ὅσαι Μαλέασ ἐντὸσ ἵδρυνται, καὶ τὴν Εὔβοιαν αὐτὴν εἶχεν, ἐκ δὲ Ἀθηνῶν ὁρμώμενοσ τὰ μέχρι Θετταλίασ ἔθνη τῆσ Ἑλλάδοσ ἀφίστη, μικρὰ προσκρούσασ περὶ Χαιρώνειαν.

ἐνταῦθα γὰρ αὐτῷ Βρέττιοσ Σούρρασ ἀπήντησε, πρεσβευτὴσ μὲν ὢν Σεντίου, τοῦ στρατηγοῦ τῆσ Μακεδονίασ, ἀνὴρ δὲ τόλμῃ καὶ φρονήσει διαφέρων, οὗτοσ Ἀρχελάῳ δίκην ῥεύματοσ φερομένῳ διὰ τῆσ Βοιωτίασ ἐπὶ πλεῖστον ἀντιστάσ, καὶ τρισὶ μάχαισ διαγωνισάμενοσ περὶ Χαιρώνειαν, ἐξέωσε καὶ συνέστειλε πάλιν ἐπὶ τὴν θάλατταν.

Λευκίου δὲ Λευκόλλου κελεύσαντοσ αὐτὸν ὑποχωρεῖν ἐπιόντι Σύλλᾳ καὶ τὸν ἐψηφισμένον ἐκείνῳ ἐᾶν πόλεμον, εὐθὺσ ἐκλιπὼν τὴν Βοιωτίαν ὀπίσω πρὸσ Σέντιον ἀπήλαυνε, καίπερ αὐτῷ τῶν πραγμάτων ἐλπίδοσ πέρα προχωρούντων καὶ τῆσ Ἑλλάδοσ οἰκείωσ ἐχούσησ πρὸσ μεταβολὴν διὰ τὴν ἐκείνου καλοκἀγαθίαν.

ἀλλὰ γὰρ Βρεττίῳ μὲν ταῦτα λαμπρότατα τῶν πεπραγμένων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Sulla, chapter 11

(플루타르코스, Sulla, chapter 11)

상위

목록

SEARCH

MENU NAVIGATION