헬라어 문장 검색 - Πλυταρ́Συλλά08́

(플루타르코스, Sulla, chapter 8)

Μάριοσ δὴ προσλαμβάνει δημαρχοῦντα Σουλπίκιον, ἄνθρωπον οὐδενὸσ δεύτερον ἐν ταῖσ ἄκραισ κακίαισ, ὥστε μὴ ζητεῖν τίνοσ ἐστὶν ἑτέρου μοχθηρότεροσ, ἀλλὰ πρὸσ τί μοχθηρότατοσ ἑαυτοῦ, καὶ γὰρ ὠμότησ καὶ τόλμα καὶ πλεονεξία περὶ αὐτὸν ἦν ἀπερίσκεπτοσ αἰσχροῦ καὶ παντὸσ κακοῦ, ὅσ γε τὴν Ῥωμαίων πολιτείαν ἐξελευθερικοῖσ καὶ μετοίκοισ πωλῶν ἀναφανδὸν ἠρίθμει τιμὴν διὰ τραπέζησ ἐν ἀγορᾷ κειμένησ, ἔτρεφε δὲ τρισχιλίουσ μαχαιροφόρουσ, καὶ πλῆθοσ ἱππικῶν νεανίσκων πρὸσ ἅπαν ἑτοίμων περὶ αὑτὸν εἶχεν, οὓσ ἀντισύγκλητον ὠνόμαζε. νόμον δὲ κυρώσασ μηδένα συγκλητικὸν ὑπὲρ δισχιλίασ δραχμὰσ ὀφείλειν, αὐτὸσ ἀπέλιπε μετὰ τὴν τελευτὴν ὀφλήματοσ μυριάδασ τριακοσίασ.

οὗτοσ εἰσ τὸν δῆμον ἀφεθεὶσ ὑπὸ τοῦ Μαρίου, καὶ συνταράξασ πάντα τὰ πράγματα βίᾳ καὶ σιδήρῳ, νόμουσ ἔγραφεν ἄλλουσ τε μοχθηροὺσ καὶ τὸν διδόντα Μαρίῳ τοῦ Μιθριδατικοῦ πολέμου τὴν ἡγεμονίαν. ἀπραξίασ δὲ διὰ ταῦτα τῶν ὑπάτων ψηφισαμένων, ἐπαγαγὼν αὐτοῖσ ἐκκλησιάζουσι περὶ τὸν νεὼν τῶν Διοσκούρων ὄχλον ἄλλουσ τε πολλοὺσ καὶ τὸ Πομπηϊού τοῦ ὑπάτου μειράκιον ἐπὶ τῆσ ἀγορᾶσ ἀνεῖλεν·

αὐτὸσ δὲ Πομπήϊοσ λαθὼν ἐξέφυγε. Σύλλασ δὲ εἰσ τὴν οἰκίαν τοῦ Μαρίου συνδιωχθεὶσ ἠναγκάσθη προελθὼν τὰσ ἀπραξίασ λῦσαι· καὶ διὰ τοῦτο τὸν Πομπήϊον ἐπάρχοντα παύσασ ὁ Σουλπίκιοσ οὐκ ἀφείλετο τοῦ Σύλλα τὴν ὑπατείαν, ἀλλὰ τὴν ἐπὶ Μιθριδάτην στρατείαν μόνον εἰσ Μάριον μετήνεγκε·

καὶ πέμπει χιλιάρχουσ εὐθὺσ εἰσ Νῶλαν παραληψομένουσ τὸ στράτευμα καὶ πρὸσ τὸν Μάριον ἄξοντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Sulla, chapter 8

(플루타르코스, Sulla, chapter 8)

상위

목록

SEARCH

MENU NAVIGATION