헬라어 문장 검색 - Πλυταρ́Συλλά05́

(플루타르코스, Sulla, chapter 5)

ὁ δὲ Σύλλασ οἰόμενοσ αὑτῷ τὴν ἀπὸ τῶν πολεμικῶν δόξαν ἐπὶ τὰσ πολιτικὰσ πράξεισ διαρκεῖν, καὶ δοὺσ ἑαυτὸν ἀπὸ τῆσ στρατείασ εὐθὺσ ἐπὶ τὴν τοῦ δήμου πρᾶξιν, ἐπὶ στρατηγίαν πολιτικὴν ἀπεγράψατο καὶ διεψεύσθη· τὴν δ’ αἰτίαν τοῖσ ὄχλοισ ἀνατίθησι. φησὶ γὰρ αὐτοὺσ τὴν πρὸσ Βόκχον εἰδότασ φιλίαν, καὶ προσδεχομένουσ, εἰ πρὸ τῆσ στρατηγίασ ἀγορανομοίη, κυνηγέσια λαμπρὰ καὶ Λιβυκῶν θηρίων ἀγῶνασ, ἑτέρουσ ἀποδεῖξαι στρατηγοὺσ ὡσ αὐτὸν ἀγορανομεῖν ἀναγκάσοντασ. ἐοίκε δὲ τὴν ἀληθῆ τῆσ ἀποτεύξεωσ αἰτίαν οὐχ ὁμολογῶν ὁ Σύλλασ ἐλέγχεσθαι τοῖσ πράγμασιν.

ἐνιαυτῷ γὰρ κατόπιν ἔτυχε τῆσ στρατηγίασ, τοῦ δήμου τὸ μέν τι θεραπείᾳ, τὸ δὲ καὶ χρήμασι προσαγαγόμενοσ. "τὴν ἀρχὴν ἰδίαν νομίζεισ· "ἔχεισ γὰρ αὐτὴν πριάμενοσ" μετὰ δὲ τὴν στρατηγίαν εἰσ τὴν Καππαδοκίαν ἀποστέλλεται, τὸν μέν ἐμφανῆ λόγον ἔχων πρὸσ τὴν στρατείαν Ἀριοβαρζάνην καταγαγεῖν, αἰτίαν δὲ ἀληθῆ Μιθριδάτην ἐπισχεῖν πολυπραγμονοῦντα καὶ περιβαλλόμενον ἀρχὴν καὶ δύναμιν οὐκ ἐλάττονα τῆσ ὑπαρχούσησ. ἰδίαν μέν οὖν δύναμιν οὐ πολλὴν ἐπήγετο, χρησάμενοσ δὲ τοῖσ συμμάχοισ προθύμοισ, καὶ πολλοὺσ μέν αὐτῶν Καππαδοκῶν, πλείονασ δ’ αὖθισ Ἀρμενίων προσβοηθοῦντασ ἀποκτείνασ, Γόρδιον μέν ἐξήλασεν, Ἀριοβαρζάνην δὲ ἀπέδειξε βασιλέα.

διατρίβοντι δὲ αὐτῷ παρὰ τὸν Εὐφράτην ἐντυγχάνει Πάρθοσ Ὀρόβαζοσ, Ἀρσάκου βασιλέωσ πρεσβευτήσ, οὔπω πρότερον ἀλλήλοισ ἐπιμεμιγμένων τῶν γενῶν·

ἀλλὰ καὶ τοῦτο τῆσ μεγάλησ δοκεῖ Σύλλα τύχησ γενέσθαι, τὸ πρώτῳ Ῥωμαίων ἐκείνῳ Πάρθουσ συμμαχίασ καὶ φιλίασ δεομένουσ διὰ λόγων ἐλθεῖν. ὅτε καὶ λέγεται τρεῖσ δίφρουσ προθέμενοσ, τὸν μέν Ἀριοβαρζάνῃ, τὸν δὲ Ὀροβάζῳ, τὸν δὲ αὐτῷ, μέσοσ ἀμφοῖν καθεζόμενοσ χρηματίζειν. ἐφ’ ᾧ τὸν μέν Ὀρόβαζον ὕστερον ὁ τῶν Πάρθων βασιλεὺσ ἀπέκτεινε, τὸν δὲ Σύλλαν οἱ μέν ἐπῄνεσαν ἐντρυφήσαντα τοῖσ βαρβάροισ, οἱ δὲ ὡσ φορτικὸν ᾐτιάσαντο καὶ ἀκαίρωσ φιλότιμον.

ἀλλὰ πρὸσ τὰσ τῆσ τέχνησ ὑποθέσεισ τὴν φύσιν ἐπισκεψάμενοσ, εἰπεῖν ὡσ ἀναγκαῖον εἰή τοῦτον τὸν ἄνδρα μέγιστον γενέσθαι, θαυμάζειν δὲ καὶ νῦν πῶσ ἀνέχεται μὴ πρῶτοσ ὢν ἁπάντων, ἀναχωρήσαντι δὲ αὐτῷ δίκην ἔλαχε δώρων Κηνσωρῖνοσ, ὡσ πολλὰ χρήματα συνειλοχότι παρὰ τὸν νόμον ἐκ φίλησ καὶ συμμάχου βασιλείασ, οὐ μὴν ἀπήντησεν ἐπὶ τὴν κρίσιν, ἀλλ’ ἀπέστη τῆσ κατηγορίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Sulla, chapter 5

(플루타르코스, Sulla, chapter 5)

상위

목록

SEARCH

MENU NAVIGATION