헬라어 문장 검색 - Πλυταρ́Μαρξελλ́12́

(플루타르코스, Marcellus, chapter 12)

διὸ καὶ θατέρου τῶν ὑπάτων ἀποθανόντοσ ἐκάλει Μάρκελλον ὁ δῆμοσ ἐπὶ τὴν διαδοχὴν ἀπόντα, καὶ βίᾳ τῶν ἀρχόντων ὑπερέθετο τὴν κατάστασιν ἑώσ ἐκεῖνοσ ἦλθεν ἀπὸ τοῦ στρατοπέδου. καὶ πάσαισ μὲν ἀπεδείχθη ταῖσ ψήφοισ ὕπατοσ, ἐπιβροντήσαντοσ δὲ τοῦ θεοῦ καὶ τῶν ἱερέων οὐκ αἴσιον τιθεμένων τὸ σημεῖον, ἐμφανῶσ δὲ κωλύειν ὀκνούντων καὶ δεδιότων τὸν δῆμον, αὐτὸσ ἐξωμόσατο τὴν ἀρχήν· οὐ μέντοι τὴν στρατείαν ἔφυγεν, ἀλλ’ ἀνθύπατοσ ἀναγορευθεὶσ καὶ πάλιν πρὸσ Νῶλαν ἐπανελθὼν εἰσ τὸ στρατόπεδον κακῶσ ἐποίει τοὺσ ᾑρημένουσ τὰ τοῦ Φοίνικοσ, ὡσ δὲ ὀξεῖαν ἐπ’ αὐτὸν θέμενοσ βοήθειαν ἐκεῖνοσ ἧκε, προκαλουμένῳ μὲν ἐκ παρατάξεωσ οὐκ ἠβουλήθη διαγωνίσασθαι, τρέψαντι δὲ τὸ πλεῖστον ἐφ’ ἁρπαγὴν τοῦ στρατοῦ καὶ μηκέτι προσδεχομένῳ μάχην ἐπεξῆλθε, διαδοὺσ δόρατα τῶν ναυμάχων μεγάλα τοῖσ πεζοῖσ, καὶ διδάξασ πόρρωθεν συντηροῦσι παίειν τοὺσ Καρχηδονίουσ, ἀκοντιστὰσ μὲν οὐκ ὄντασ αἰχμαῖσ δὲ χρωμένουσ ἐκ χειρὸσ βραχείαισ.

διὸ καὶ δοκοῦσι τότε δεῖξαι τὰ νῶτα Ῥωμαίοισ ὅσοι συνέβαλον καὶ φυγὴν ἀπροφάσιστον φυγεῖν, ἀποβαλόντεσ ἐξ ἑαυτῶν νεκροὺσ μὲν γενομένουσ πεντακισχιλίουσ, αἰχμαλώτουσ δὲ ἑξακοσίουσ, καὶ τῶν ἐλεφάντων τέσσαρασ μὲν πεσόντασ, δύο δὲ ζωοὺσ ἁλόντασ.

ὃ δ’ ἦν μέγιστον, ἡμέρᾳ τρίτῃ μετὰ τὴν μάχην ἱππεῖσ Ἰβήρων καὶ Νομάδων μιγάδεσ αὐτομολοῦσιν ὑπὲρ τοὺσ τριακοσίουσ, οὔπω πρότερον Ἀννίβα τοῦτο παθόντοσ, ἀλλ’ ἐκ ποικίλων καὶ πολυτρόπων συνηρμοσμένον ἐθνῶν βαρβαρικὸν στράτευμα πλεῖστον χρόνον ἐν μιᾷ γνώμῃ διαφυλάξαντοσ. οὗτοι μὲν οὖν πιστοὶ παρέμειναν εἰσ ἅπαν αὐτῷ τε τῷ Μαρκέλλῳ καὶ τοῖσ μετ’ αὐτὸν στρατηγοῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Marcellus, chapter 12

(플루타르코스, Marcellus, chapter 12)

상위

목록

SEARCH

MENU NAVIGATION