헬라어 문장 검색 - Πλυταρ́Μαρξελλ́11́

(플루타르코스, Marcellus, chapter 11)

ἐκ τούτου βεβαιότατοσ μὲν ἦν Μαρκέλλῳ παραστάτησ καὶ σύμμαχοσ, δεινότατοσ δὲ μηνυτὴσ καὶ κατήγοροσ τῶν τἀναντία φρονούντων ὁ Βάνδιοσ. ἦσαν δὲ πολλοί, καὶ διενοοῦντο τῶν Ῥωμαίων ἐπεξιόντων τοῖσ πολεμίοισ αὐτοὶ διαρπάσαι τὰσ ἀποσκευάσ. διὸ συντάξασ ὁ Μάρκελλοσ τὴν δύναμιν ἐντόσ παρὰ τὰσ πύλασ ἔστησε τὰ σκευοφόρα, καὶ τοῖσ Νωλανοῖσ διὰ κηρύγματοσ ἀπεῖπε πρὸσ τὰ τείχη προσπελάζειν.

ἦν οὖν ὅπλων ἐρημία καὶ τὸν Ἀννίβαν ἐπεσπάσατο προσάγειν ἀτακτότερον, ὡσ τῶν ἐν τῇ πόλει ταραττομένων. ἐν τούτῳ δὲ τὴν καθ’ αὑτὸν πύλην ἀναπετάσαι κελεύσασ ὁ Μάρκελλοσ ἐξήλασεν, ἔχων μεθ’ ἑαυτοῦ τῶν ἱπποτῶν τοὺσ λαμπροτάτουσ, καὶ προσπεσὼν κατὰ στόμα συνείχετο τοῖσ πολεμίοισ. μετ’ ὀλίγον δ’ οἱ πεζοὶ καθ’ ἑτέραν πύλην ἐχώρουν μετὰ δρόμου καὶ βοῆσ·

καὶ πρὸσ τούτουσ αὖθισ αὖ τοῦ Ἀννίβᾳ μερίζοντοσ τὴν δύναμιν ἡ τρίτη τῶν πυλῶν ἀνεῴγνυτο, καὶ δι’ αὐτῆσ ἐξέθεον οἱ λοιποὶ καὶ προσέκειντο πανταχόθεν ἐκπεπληγμένοισ τῷ ἀπροσδοκήτῳ καὶ κακῶσ ἀμυνομένοισ τοὺσ ἐν χερσὶν ἤδη διὰ τοὺσ ὕστερον ἐπιφερομένουσ, κἀνταῦθα πρῶτον οἱ σὺν Ἀννίβᾳ Ῥωμαίοισ ἐνέδωκαν, ὠθούμενοι φόνῳ πολλῷ καὶ τραύμασι πρὸσ τὸ στρατόπεδον. λέγονται γὰρ ὑπὲρ πεντακισχιλίουσ ἀποθανεῖν, ἀποκτεῖναι δὲ Ῥωμαίων οὐ πλείονασ ἢ πεντακοσίουσ, ὁ δὲ Λίβιοσ οὕτω μὲν οὐ διαβεβαιοῦται γενέσθαι μεγάλην ἧτταν οὐδὲ πεσεῖν νεκροὺσ τοσούτουσ τῶν πολεμίων, κλέοσ δὲ μέγα Μαρκέλλῳ καὶ Ῥωμαίοισ ἐκ κακῶν θάρσοσ ἀπὸ τῆσ μάχησ ἐκείνησ ὑπάρξαι θαυμαστόν, οὐχ ὡσ πρὸσ ἄμαχον οὐδὲ ἀήττητον, ἀλλά τι καὶ παθεῖν δυνάμενον διαγωνιζομένοισ πολέμιον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Marcellus, chapter 11

(플루타르코스, Marcellus, chapter 11)

상위

목록

SEARCH

MENU NAVIGATION