헬라어 문장 검색 - Πλυταρ́Αγεσιλά40́

(플루타르코스, Agesilaus, chapter 40)

ἐκ δὲ τούτου καλῶσ μὲν εἶχε τὰ πράγματα καὶ βεβαίωσ τῷ Αἰγυπτίῳ πρὸσ ἀσφάλειαν ἀγαπῶν δὲ καὶ φιλοφρονούμενοσ ἐδεῖτο μεῖναι καὶ συνδιαχειμάσαι μετ’ αὐτοῦ τὸν Ἀγησίλαον. ὁ δὲ ὡρ́μητο πρὸσ τὸν οἴκοι πόλεμον, εἰδὼσ χρημάτων δεομένην τὴν πόλιν καὶ ξενοτροφοῦσαν. προὔπεμψεν οὖν αὐτὸν ἐντίμωσ καὶ μεγαλοπρεπῶσ, ἄλλασ τε λαβόντα τιμὰσ καὶ δωρεὰσ καὶ πρὸσ τὸν πόλεμον ἀργυρίου διακόσια καὶ τριάκοντα τάλαντα. χειμῶνοσ δὲ ὄντοσ ἤδη τῆσ γῆσ ἐχόμενοσ ταῖσ ναυσὶ καὶ παρὰ τὴν Λιβύην εἰσ χωρίον ἔρημον κομισθείσ, ὃ καλοῦσι Μενελάου λιμένα, θνήσκει, βιώσασ μὲν ὀγδοήκοντα καὶ τέσσαρα ἔτη, βασιλεύσασ δὲ τῆσ Σπάρτησ ἑνὶ τῶν τεσσαράκοντα πλέον, καὶ τούτων ὑπὲρ τριάκοντα πάντων μέγιστοσ καὶ δυνατώτατοσ γενόμενοσ καὶ σχεδὸν ὅλησ τῆσ Ἑλλάδοσ ἡγεμὼν καὶ βασιλεὺσ νομισθεὶσ ἄχρι τῆσ ἐν Λεύκτροισ μάχησ.

ἔθουσ δὲ ὄντοσ Λακωνικοῦ τῶν μὲν ἄλλων ἐπὶ ξένησ ἀποθανόντων αὐτοῦ τὰ σώματα κηδεύειν καὶ ἀπολείπειν, τὰ δὲ τῶν βασιλέων οἴκαδε κομίζειν, οἱ παρόντεσ Σπαρτιᾶται κηρὸν ἐπιτήξαντεσ τῷ νεκρῷ, μέλιτοσ οὐ παρόντοσ, ἀπῆγον εἰσ Λακεδαίμονα, τὴν δὲ βασιλείαν Ἀρχίδαμοσ ὁ υἱὸσ αὐτοῦ παρέλαβε, καὶ διέμεινε τῷ γένει μέχρισ Ἄγιδοσ, ὃν ἐπιχειροῦντα τὴν πάτριον ἀναλαβεῖν πολιτείαν ἀπέκτεινε Λεωνίδασ πέμπτον ἀπ’ Ἀγησιλάου γεγονότα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Agesilaus, chapter 40

(플루타르코스, Agesilaus, chapter 40)

상위

목록

SEARCH

MENU NAVIGATION