헬라어 문장 검색 - Πλυταρ́Αγεσιλά33́

(플루타르코스, Agesilaus, chapter 33)

τοῦτο μὲν οὖν οὐκ οἶδα ὅπωσ ἠγνόησαν οἱ ἄλλοι, μόνοσ δὲ Θεόπομποσ ᾔσθετο. τοῦ δὲ σωθῆναι τήν Σπάρτην τότε πάντεσ αἴτιον ὁμολογοῦσι γενέσθαι τὸν Ἀγησίλαον, ὅτι τῶν ἐμφύτων αὐτῷ παθῶν, φιλονεικίασ καὶ φιλοτιμίασ, ἀποστάσ, ἐχρήσατο τοῖσ πράγμασιν ἀσφαλῶσ. οὐ μέντοι τήν γε δύναμιν καὶ τήν δόξαν ἐδυνήθη τῆσ πόλεωσ ἀναλαβεῖν ἐκ τοῦ πταίσματοσ, ἀλλ’ ὥσπερ σώματοσ ὑγιεινοῦ, λίαν δὲ ἀκριβεῖ καὶ κατησκημένῃ κεχρημένου διαίτῃ παρὰ πάντα τὸν χρόνον, ἁμαρτία μία καὶ ῥοπὴ τήν πᾶσαν ἔκλινεν εὐτυχίαν τῆσ πόλεωσ·

οὐκ ἀλόγωσ. πρὸσ γὰρ εἰρήνην καὶ ἀρετὴν καὶ ὁμόνοιαν ἄριστα συντεταγμένῳ· πολιτεύματι προσαγαγόντεσ ἀρχὰσ καὶ δυναστείασ βιαίουσ, ὧν οὐδενὸσ ἡγεῖτο δεῖσθαι πόλιν εὐδαιμόνωσ βιωσομένην ὁ Λυκοῦργοσ, ἐσφάλησαν. αὐτὸσ μὲν οὖν ὁ Ἀγησίλαοσ ἤδη πρὸσ τάσ στρατείασ ἀπειρήκει διὰ τὸ γῆρασ, Ἀρχίδαμοσ δὲ ὁ υἱὸσ αὐτοῦ, τήν ἐκ Σικελίασ ἥκουσαν παρὰ τοῦ τυράννου βοήθειαν ἔχων, ἐνίκησεν Ἀρκάδασ τήν λεγομένην ἄδακρυν μάχην οὐδεὶσ γὰρ ἔπεσε τῶν μετ’ αὐτοῦ, συχνοὺσ δὲ τῶν ἐναντίων ἀνεῖλεν.

πρότερον μὲν γὰρ οὕτω σύνηθεσ ἡγοῦντο καὶ προσῆκον ἔργον αὐτοῖσ εἶναι τὸ νικᾶν τοὺσ πολεμίουσ, ὥστε μήτε θύειν τοῖσ θεοῖσ πλὴν ἀλεκτρυόνα νικητήριον ἐν τῇ πόλει, μήτε μεγαληγορεῖν τοὺσ ἀγωνισαμένουσ, μήτε ὑπερχαίρειν τοὺσ πυνθανομένουσ, ἀλλὰ καὶ τῆσ ἐν Μαντινείᾳ μάχησ γενομένησ, ἣν Θουκυδίδησ γέγραφε, τῷ πρώτῳ φράσαντι τήν νίκην οἱ ἄρχοντεσ ἐκ φιδιτίου κρέασ ἔπεμψαν εὐαγγέλιον, ἄλλο δὲ οὐδέν·

τότε δὲ τῆσ μάχησ ἀγγελθείσησ καὶ τοῦ Ἀρχιδάμου προσιόντοσ οὐδεὶσ ἐκαρτέρησεν, ἀλλὰ πρῶτοσ ὁ πατὴρ ἀπήντα δακρύων ὑπὸ χαρᾶσ καὶ μετ’ ἐκεῖνον τὰ ἀρχεῖα, τῶν δὲ πρεσβυτέρων καὶ τῶν γυναικῶν τὸ πλῆθοσ ἐπὶ τὸν ποταμὸν κατῄει, τάσ τε χεῖρασ ὀρεγόντων καὶ θεοκλυτούντων, ὥσπερ ἀπεωσμένησ τὰ παρ’ ἀξίαν ὀνείδη τῆσ Σπάρτησ καὶ λαμπρὸν αὖθισ ἐξ ἀρχῆσ τὸ φῶσ ὁρώσησ·

ἐπεὶ πρότερόν γέ φασιν οὐδὲ ταῖσ γυναιξὶν ἀντιβλέπειν τοὺσ ἄνδρασ αἰσχυνομένουσ ἐφ’ οἷσ ἔπταισαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Agesilaus, chapter 33

(플루타르코스, Agesilaus, chapter 33)

상위

목록

SEARCH

MENU NAVIGATION