헬라어 문장 검색 - Πλυταρ́Αγεσιλά30́

(플루타르코스, Agesilaus, chapter 30)

οὐ μὴν ἀλλὰ τοῖσ πολλοῖσ, ὡσ ἀφίσταντο μὲν οἱ σύμμαχοι, προσεδοκᾶτο δὲ νενικηκὼσ Ἐπαμεινώνδασ καὶ μεγαλοφρονῶν ἐμβαλεῖν εἰσ Πελοπόννησον, ἔννοια τῶν χρησμῶν ἐνέπεσε τότε, πρὸσ τὴν χωλότητα τοῦ Ἀγησιλάου, καὶ δυσθυμία πολλὴ καὶ πτοία πρὸσ τὸ θεῖον, ὡσ διὰ τοῦτο πραττούσησ κακῶσ τῆσ πόλεωσ, ὅτι τὸν ἀρτίποδα τῆσ βασιλείασ ἐκβαλόντεσ εἵλοντο χωλὸν καὶ πεπηρωμένον· ὃ παντὸσ μᾶλλον αὐτοὺσ ἐδίδασκε φράζεσθαι καὶ φυλάττεσθαι τὸ δαιμόνιον. διὰ δὲ τὴν ἄλλην δύναμιν αὐτοῦ καὶ ἀρετὴν καὶ δόξαν οὐ μόνον ἐχρῶντο βασιλεῖ καὶ στρατηγῷ τῶν κατὰ πόλεμον, ἀλλὰ καὶ τῶν πολιτικῶν ἀποριῶν ἰατρῷ καὶ διαιτητῇ, τοῖσ ἐν τῇ μάχῃ καταδειλιάσασιν, οὓσ αὐτοὶ τρέσαντασ ὀνομάζουσιν, ὀκνοῦντεσ τὰσ ἐκ τῶν νόμων ἀτιμίασ προσάγειν, πολλοῖσ οὖσι καὶ δυνατοῖσ, φοβούμενοι νεωτερισμὸν ἀπ’ αὐτῶν.

οὐ γὰρ μόνον ἀρχῆσ ἀπείργονται πάσησ, ἀλλὰ καὶ δοῦναί τινι τούτων γυναῖκα καὶ λαβεῖν ἄδοξόν ἐστι·

παίει δὲ ὁ βουλόμενοσ αὐτοὺσ τῶν ἐντυγχανόντων. οἱ δὲ καρτεροῦσι περιϊόντεσ αὐχμηροὶ καὶ ταπεινοί, τρίβωνάσ τε προσερραμμένουσ χρώματοσ βαπτοῦ φοροῦσι, καὶ ξυρῶνται μέροσ τῆσ ὑπήνησ, μέροσ δὲ τρέφουσι. δεινὸν οὖν ἦν τοιούτουσ ἐν τῇ πόλει περιορᾶν πολλοὺσ οὐκ ὀλίγων δεομένῃ στρατιωτῶν, καὶ νομοθέτην αἱροῦνται τὸν Ἀγησίλαον.

ὁ δὲ μήτε προσθείσ τι μήτε ἀφελὼν μήτε μεταγράψασ εἰσῆλθεν εἰσ τὸ πλῆθοσ τῶν Λακεδαιμονίων καὶ φήσασ ὅτι τούσ νόμουσ δεῖ σήμερον ἐᾶν καθεύδειν, ἐκ δὲ τῆσ σήμερον ἡμέρασ κυρίουσ εἶναι πρὸσ τὸ λοιπόν, ἅμα τούσ τε νόμουσ τῇ πόλει καὶ τούσ ἄνδρασ ἐπιτίμουσ ἐφύλαξε. βουλόμενοσ δὲ τὴν παροῦσαν ἀθυμίαν καὶ κατήφειαν ἀφελεῖν τῶν νέων ἐνέβαλεν εἰσ Ἀρκαδίαν, καὶ μάχην μὲν ἰσχυρῶσ ἐφυλάξατο συνάψαι τοῖσ ἐναντίοισ, ἑλὼν δὲ πολίχνην τινὰ τῶν Μαντινέων καὶ τὴν χώραν ἐπιδραμών, ἐλαφροτέραν ἐποίησε ταῖσ ἐλπίσι καὶ ἡδίω τὴν πόλιν, ὡσ οὐ παντάπασιν ἀπεγνωσμένην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Agesilaus, chapter 30

(플루타르코스, Agesilaus, chapter 30)

상위

목록

SEARCH

MENU NAVIGATION