헬라어 문장 검색 - Πλυταρ́Αγεσιλά24́

(플루타르코스, Agesilaus, chapter 24)

ἦν μὲν οὖν εὐθὺσ ἐκ τούτων ὑπόνοια Φοιβίδου μὲν ἔργον εἶναι, βούλευμα δὲ Ἀγησιλάου τὸ πεπραγμένον· αἱ δὲ ὕστερον πράξεισ ὁμολογουμένην ἐποίησαν τὴν αἰτίαν. ὡσ γὰρ ἐξέβαλον οἱ Θηβαῖοι τὴν φρουρὰν καί τὴν πόλιν ἠλευθέρωσαν, ἐγκαλῶν αὐτοῖσ ὅτι τὸν Ἀρχίαν καὶ τὸν Λεοντίδαν ἀπεκτόνεσαν, ἔργῳ μὲν τυράννουσ, λόγῳ δὲ πολεμάρχουσ ὄντασ, ἐξήνεγκε πόλεμον πρὸσ αὐτούσ. καὶ Κλεόμβροτοσ ἤδη βασιλεύων Ἀγησιπόλιδοσ τεθνηκότοσ, εἰσ Βοιωτίαν ἐπέμφθη μετὰ δυνάμεωσ·

ὁ γὰρ Ἀγησίλαοσ, ὡσ ἔτη τεσσαράκοντα γεγονὼσ ἀφ’ ἥβησ καί στρατείασ ἔχων ἄφεσιν ὑπὸ τῶν νόμων, ἔφυγε τὴν στρατηγίαν ἐκείνην, αἰσχυνόμενοσ εἰ Φλιασίοισ ὀλίγον ἔμπροσθεν ὑπὲρ φυγάδων πεπολεμηκώσ, αὖθισ ὀφθήσεται Θηβαίουσ κακῶσ ποιῶν διὰ τοὺσ τυράννουσ. ἦν δέ τισ Λάκων Σφοδρίασ ἐκ τῆσ ὑπεναντίασ στάσεωσ τῷ Ἀγησιλάῳ τεταγμένοσ ἐν Θεσπιαῖσ ἁρμοστήσ, οὐκ ἄτολμοσ μὲν οὐδ’ ἀφιλότιμοσ ἀνήρ, ἀεὶ δ’ ·

ἐλπίδων μᾶλλον ἢ φρενῶν ἀγαθῶν μεστόσ, οὗτοσ ἐπιθυμῶν ὀνόματοσ μεγάλου, καί τὸν Φοιβίδαν νομίζων ἔνδοξον γεγονέναι καί περιβόητον ἀπὸ τοῦ περὶ Θήβασ τολμήματοσ, ἐπείσθη πολὺ κάλλιον εἶναι καί λαμπρότερον εἰ τὸν Πειραιᾶ καταλάβοι δι’ ἑαυτοῦ καί τῶν Ἀθηναίων ἀφέλοιτο τὴν θάλασσαν, ἐκ γῆσ ἀπροσδοκήτωσ ἐπελθών. λέγουσι δὲ τοῦτο μηχάνημα γενέσθαι τῶν περὶ Πελοπίδαν καί Μέλωνα βοιωταρχῶν.

ὑπέπεμψαν γὰρ ἀνθρώπουσ λακωνίζειν προσποιουμένουσ, οἳ τὸν Σφοδρίαν ἐπαινοῦντεσ καί μεγαλύνοντεσ ὡσ ἔργου τηλικούτου μόνον ἄξιον, ἐπῆραν καί παρώρμησεν ἀνελέσθαι πρᾶξιν ἄδικον μὲν ὁμοίωσ ἐκείνῃ καί παράνομον, τόλμησ δὲ καί τύχησ ἐνδεᾶ γενομένην. ἡμέρα γὰρ αὐτὸν ἐν τῷ Θριασίῳ πεδίῳ κατέλαβε καί κατέλαμψεν ἐλπίσαντα νυκτὸσ προσμίξειν τῷ Πειραιεῖ·

καί φῶσ ἀφ’ ἱερῶν τινων Ἐλευσινόθεν ἰδόντασ λέγουσι φρῖξαι καί περιφόβουσ γενέσθαι τοὺσ στρατιώτασ. αὐτὸσ δὲ τοῦ θράσουσ ἐξέπεσεν, ὡσ οὐκέτι λαθεῖν ἦν, καί τινα βραχεῖαν ἁρπαγὴν θέμενοσ αἰσχρῶσ ἀνεχώρησε καί ἀδόξωσ εἰσ τὰσ Θεσπιάσ. ἐκ δὲ τούτου κατήγοροι μὲν ἐπέμφθησαν εἰσ Σπάρτην ἐξ Ἀθηνῶν, εὑρ͂ον δὲ κατηγορίασ μηδὲν ἐπὶ τὸν Σφοδρίαν δεομένουσ τοὺσ ἄρχοντασ, ἀλλὰ θανάτου κρίσιν αὐτῷ προειρηκότασ, ἣν ἐκεῖνοσ ὑπομένειν ἀπέγνω, φοβούμενοσ τὴν ὀργὴν τῶν πολιτῶν αἰσχυνομένων τοὺσ Ἀθηναίουσ καί βουλομένων συναδικεῖσθαι δοκεῖν, ἵνα μὴ συναδικεῖν δοκῶσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Agesilaus, chapter 24

(플루타르코스, Agesilaus, chapter 24)

상위

목록

SEARCH

MENU NAVIGATION