헬라어 문장 검색 - Πλυταρ́Αγεσιλά17́

(플루타르코스, Agesilaus, chapter 17)

ἐνταῦθα Διφρίδασ οἴκοθεν ἔφοροσ ὢν ἀπήντησεν αὐτῷ κελεύων εὐθὺσ ἐμβαλεῖν εἰσ τὴν Βοιωτίαν. ὁ δέ, καίπερ ἀπὸ μείζονοσ παρασκευῆσ ὕστερον τοῦτο ποιῆσαι διανοούμενοσ, οὐδὲν ᾤετο δεῖν ἀπειθεῖν τοῖσ ἄρχουσιν, ἀλλὰ τοῖσ τε μεθ’ ἑαυτοῦ προεῖπεν ἐγγὺσ εἶναι τὴν ἡμέραν ἐφ’ ἣν ἐξ Ἀσίασ ἥκουσι, καὶ δύο μόρασ μετεπέμψατο τῶν περὶ Κόρινθον στρατευομένων· οἱ δὲ ἐν τῇ πόλει Λακεδαιμόνιοι τιμῶντεσ αὐτὸν ἐκήρυξαν τῶν νέων ἀπογράφεσθαι τὸν βουλόμενον τῷ βασιλεῖ βοηθεῖν.

ἀπογραψαμένων δὲ πάντων προθύμωσ, οἱ ἄρχοντεσ πεντήκοντα τοὺσ ἀκμαιοτάτουσ καὶ ῥωμαλεωτάτουσ ἐκλέξαντεσ ἀπέστειλαν. ὁ δὲ Ἀγησίλαοσ εἴσω Πυλῶν παρελθὼν καὶ διοδεύσασ τὴν Φωκίδα φίλην οὖσαν, ἐπεὶ τῆσ Βοιωτίασ πρῶτον ἐπέβη καὶ περὶ τὴν Χαιρώνειαν κατεστρατοπέδευσεν, ἅμα μὲν τὸν ἥλιον ἐκλείποντα καὶ γινόμενον μηνοειδῆ κατεῖδεν, ἅμα δὲ ἤκουσε τεθνάναι Πείσανδρον ἡττημένον ναυμαχίᾳ περὶ Κνίδον ὑπὸ Φαρναβάζου καὶ Κόνωνοσ. ἠχθέσθη μὲν οὖν, ὡσ εἰκόσ, ἐπὶ τούτοισ καὶ διὰ τὸν ἄνδρα καὶ διὰ τὴν πόλιν, ὅπωσ δὲ μὴ τοῖσ στρατιώταισ ἐπὶ μάχην βαδίζουσιν ἀθυμία καὶ φόβοσ ἐμπέσῃ, τἀναντία λέγειν ἐκέλευσε τοὺσ ἀπὸ θαλάττησ ἥκοντασ, ὅτι νικῶσι τῇ ναυμαχίᾳ·

καὶ προελθὼν αὐτὸσ ἐστεφανωμένοσ ἔθυσεν εὐαγγέλια καὶ διέπεμπε μερίδασ τοῖσ φίλοισ ἀπὸ τῶν τεθυμένων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Agesilaus, chapter 17

(플루타르코스, Agesilaus, chapter 17)

상위

목록

SEARCH

MENU NAVIGATION