헬라어 문장 검색 - Λυξιαν́Διαλογι

(루키아노스, Dialogi meretricii, χελιδόνιον και Δροσίς)

οὐκέτι φοιτᾷ παρὰ σέ, ὦ Δροσί, τὸ μειράκιον ὁ Κλεινίασ; ἐκεῖνόν φημι τὸν ἀλαζόνα, ὃν κάκιστα ἐπίδοιμι ἀπολούμενον, ἑλκόμενον τοῦ πώγωνοσ ὑπὸ δημίου. οὐ γὰρ ἑώρακα, πολὺσ ἤδη χρόνοσ, αὐτὸν παῤ ὑμῖν. οὐκέτι, ὦ Χελιδόνιον· ὁ γὰρ διδάσκαλοσ αὐτὸν εἶρξε μηκέτι μοι προσιέναι. τίσ οὗτοσ; μή τι τὸν παιδοτρίβην Διότιμον λέγεισ; ἐπεὶ ἐκεῖνόσ γε φίλοσ ἐστίν. οὔκ, ἀλλ̓ ὁ κάκιστα φιλοσόφων ἀπολούμενοσ Ἀρισταίνετοσ. τὸν σκυθρωπὸν λέγεισ, τὸν δασύν, τὸν βαθυπώγωνα, ὃσ εἰώθε μετὰ τῶν μειρακίων περιπατεῖν ἐν τῇ Ποικίλῃ; τί παθὼν δὲ ἐκεῖνοσ τοιαῦτα ἔπεισε τὸν Κλεινίαν;

οὐκ οἶδα, ὦ Χελιδόνιον. ἀλλὰ μηδέποτε ἀπόκοιτόσ μου γενόμενοσ ἀφ̓ οὗ γυναικὶ ὁμιλεῖν ἤρξατο ‐ πρῶτον δὲ ὡμίλησέ μοι ‐ τριῶν τούτων ἑξῆσ ἡμερῶν οὐδὲ προσῆλθε τῷ στενωπῷ· ἐπεὶ δὲ ἠνιώμην ‐ οὐκ οἶδα δὲ ὅπωσ τι ἔπαθον ἐπ̓ αὐτῷ ‐ ἔπεμψα τὴν Νεβρίδα περισκεψομένην αὐτὸν ἢ ἐν ἀγορᾷ διατρίβοντα ἢ ἐν Ποικίλῃ· ἡ δὲ περιπατοῦντα ἔφη ἰδοῦσα μετὰ τοῦ Ἀρισταινέτου νεῦσαι πόρρω, ἐκεῖνον δὲ ἐρυθριάσαντα κάτω ὁρᾶν καὶ μηκέτι παρενεγκεῖν τὸν ὀφθαλμόν. εἶτ̓ ἐβάδιζον ἅμα ἐσ τὴν πόλιν· ἡ δὲ ἄχρι τοῦ Διπύλου ἀκολουθήσασα, ἐπεὶ μηδ̓ ὅλωσ ἐπεστράφη, ἐπανῆκεν οὐδὲν σαφὲσ ἀπαγγεῖλαι ἔχουσα. πῶσ με οἰεί διάγειν τὸ μετὰ ταῦτα οὐκ ἔχουσαν εἰκάσαι ὅ τι μοι πέπονθεν ὁ μειρακίσκοσ; ἀλλὰ μὴ ἐλύπησέ τι αὐτόν, ἔλεγον, ἤ τινοσ ἄλλησ ἠράσθη μισήσασ ἐμέ; ἀλλ̓ ὁ πατὴρ διεκώλυσεν αὐτόν; πολλὰ τοιαῦτα ἔστρεφον. ἤδη δὲ περὶ δείλην ὀψίαν ἧκεν ὁ Δρόμων τὸ γραμμάτιον τουτὶ παῤ αὐτοῦ κομίζων. ἀνάγνωθι λαβοῦσα, ὦ Χελιδόνιον· οἶσθα γὰρ δή που γράμματα. Φέῤ ἴδωμεν·

τὰ γράμματα οὐ πάνυ σαφῆ, ἀλλὰ ἐπισεσυρμένα δηλοῦντα ἔπειξίν τινα τοῦ γεγραφότοσ. "πῶσ μὲν ἐφίλησά σε, ὦ Δροσί, τοὺσ θεοὺσ ποιοῦμαι μάρτυρασ. αἰαῖ τάλαν, οὐδὲ τὸ χαίρειν προσέγραψε. "καὶ νῦν δὲ οὐ κατὰ μῖσοσ, ἀλλὰ κατ̓ ἀνάγκη ἀφίσταμαί σου· "ὁ πατὴρ γὰρ Ἀρισταινέτῳ παρέδωκέ με φιλοσοφεῖν αὐτῷ, κἀκεῖνοσ ‐ ἔμαθε γὰρ τὰ καθ̓ ἡμᾶσ ἅπαντα ‐ πάνυ πολλὰ ἐπετίμησέ μοι ἀπρεπὲσ εἶναι λέγων ἑταίρᾳ συνεῖναι Ἀρχιτέλουσ καὶ Ἐρασικλείασ υἱὸν ὄντα· "πολὺ γὰρ ἄμεινον εἶναι τὴν ἀρετὴν προτιμᾶν τῆσ ἡδονῆσ. μὴ ὡρ́ασιν ἵκοιτο ὁ λῆροσ ἐκεῖνοσ τοιαῦτα παιδεύων τὸ μειράκιον. "Ὥστε ἀνάγκη πείθεσθαι αὐτῷ· παρακολουθεῖ γὰρ ἀκριβῶσ παραφυλάττων, καὶ ὅλωσ οὐδὲ προσ2βλέπειν ἄλλῳ οὐδενὶ ἔξεστιν ὅτι μὴ ἐκείνῳ· εἰ δὲ σωφρονοῖμι καὶ πάντα πεισθείην αὐτῷ, ὑπισχνεῖται πάνυ εὐδαίμονα ἔσεσθαί με καὶ ἐνάρετον καταστήσεσθαι τοῖσ πόνοισ προγεγυμνασμένον. ταῦτά σοι μόλισ ἔγραψα ὑποκλέψασ ἐμαυτόν. σὺ δέ μοι εὐτύχει καὶ μέμνησο Κλεινίου. τί σοι δοκεῖ ἡ ἐπιστολή, ὦ Χελιδόνιον;

ἔχει τινὰ ὑπόλοιπον ἐλπίδα. κἀμοὶ οὕτωσ, ἔδοξεν· ἀπόλλυμαι δ̓ οὖν ὑπὸ τοῦ ἔρωτοσ. ὁ μέντοι Δρόμων ἔφασκε παιδεραστήν τινα εἶναι τὸν Ἀρισταίνετον καὶ ἐπὶ προφάσει τῶν μαθημάτων συνεῖναι τοῖσ ὡραιοτάτοισ τῶν νέων καὶ ἰδίᾳ λογοποιεῖσθαι πρὸσ τὸν Κλεινίαν ὑποσχέσεισ τινὰσ ὑπισχνούμενον ὡσ ἰσόθεον ἀποφανεῖ αὐτόν. ἀλλὰ καὶ ἀναγιγηνώσκει μετ̓ αὐτοῦ ἐρωτικούσ τινασ λάγουσ τῶν παλαιῶν φιλοσόφων πρὸσ τοὺσ μαθητάσ, καὶ ὅλοσ περὶ τὸ μειράκιόν ἐστιν. ἠπείλει δὲ καὶ τῷ πατρὶ τοῦ Κλεινίου κατερεῖν ταῦτα. ἐχρῆν, ὦ Δροσί, γαστρίσαι τὸν Δρόμωνα. Ἐγάστρισα, καὶ ἄνευ δὲ τούτου ἐμόσ ἐστι· κέκνισται γὰρ κἀκεῖνοσ τῆσ Νεβρίδοσ. θάρρει, πάντα ἔσται καλῶσ. ἐγὼ δὲ καὶ ἐπιγράψειν μοι δοχῶ ἐπὶ τοῦ τοίχου ἐν κεραμεικῷ, ἔνθα ὁ Ἀρχιτέλησ εἰώθε περιπατεῖν, Ἀρισταίνετοσ διαφθείρει Κλεινίαν, ὥστε καὶ ἐκ τούτου συνδραμεῖν τῇ παρὰ τοῦ Δρόμωνοσ διαβολῇ. πῶσ δ̓ ἂν λάθοισ ἐπιγράψασα; τῆσ νυκτόσ, ὦ Δροσί, ἄνθρακά ποθεν λαβοῦσα. εὖ γε, συστράτευε μόνον, ὦ Χελιδόνιον, κατὰ τοῦ ἀλαζόνοσ Ἀρισταινέτου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Dialogi meretricii, χελιδόνιον και Δροσίς

(루키아노스, Dialogi meretricii, χελιδόνιον και Δροσίς)

상위

목록

SEARCH

MENU NAVIGATION