헬라어 문장 검색 - ΕπιξτέΩορκσ́04́21́

(에픽테토스, Works, book 2, Περὶ ἀνομολογίασ.)

Τῶν περὶ αὑτοὺσ κακῶν τὰ μὲν ῥᾳδίωσ ὁμολογοῦσιν ἄνθρωποι, τὰ δ’ οὐ ῥᾳδίωσ. οὐδεὶσ οὖν ὁμολογήσει ὅτι ἄφρων ἐστὶν ἢ ἀνόητοσ, ἀλλὰ πᾶν τοὐναντίον πάντων ἀκούσεισ λεγόντων "ὤφελον ὡσ φρένασ ἔχω οὕτωσ καὶ τύχην εἶχον" 3. δειλοὺσ δὲ ῥᾳδίωσ ἑαυτοὺσ ὁμολογοῦσι καὶ λέγουσιν "ἐγὼ δειλότερόσ εἰμι, ὁμολογῶ· 3.

ἀκρατῆ οὐ ῥᾳδίωσ ὁμολογήσει τισ, ἄδικον οὐδ’ ὅλωσ, φθονερὸν οὐ πάνυ ἢ περίεργον, ἐλεήμονα οἱ πλεῖστοι. τί οὖν τὸ αἴτιον;

τὸ μὲν κυριώτατον ἀνομολογία καὶ ταραχὴ ἐν τοῖσ περὶ ἀγαθῶν καὶ κακῶν, ἄλλοισ δ’ ἄλλα αἴτια καὶ σχεδὸν ὅσα ἂν αἰσχρὰ φαντάζωνται, ταῦτα οὐ πάνυ ὁμολογοῦσι· τὸ δὲ δειλὸν εἶναι εὐγνώμονοσ ἤθουσ φαντάζονται καὶ τὸ ἐλεήμονα, τὸ δ’ ἠλίθιον εἶναι παντελῶσ ἀνδραπόδου·

καὶ τὰ περὶ κοινωνίαν δὲ πλημμελήματα οὐ πάνυ προσίενται. ἐπὶ δὲ τῶν πλείστων ἁμαρτημάτων κατὰ τοῦτο μάλιστα φέρονται ἐπὶ τὸ ὁμολογεῖν αὐτά, ὅτι φαντάζονταί τι ἐν αὐτοῖσ εἶναι ἀκούσιον καθάπερ ἐν τῷ δειλῷ καὶ ἐλεήμονι.

κἂν ἀκρατῆ που παρομολογῇ τισ αὑτόν, ἔρωτα προσέθηκεν, ὥστε συγγνωσθῆναι ὡσ ἐπ’ ἀκουσίῳ.

τὸ δ’ ἄδικον οὐδαμῶσ φαντάζονται ἀκούσιον. ἔνι τι καὶ τῷ ζηλοτύπῳ, ὡσ οἰόνται, τοῦ ἀκουσίου· διὰ τοῦτο καὶ περὶ τούτου παρομολογοῦσιν. οὕτωσ τεταραγμένοισ, οὕτωσ οὐκ εἰδόσιν οὔθ’ ὅ τι λέγουσιν οὔθ’ ὅ τι ἔχουσιν κακὸν ἢ εἰ ἔχουσιν ἢ παρὰ τί ἔχουσιν ἢ πῶσ παύσονται αὐτῶν, καὶ αὐτὸν οἶμαι ἐφιστάνειν ἄξιον συνεχὲσ " 3μή που καὶ αὐτὸσ εἷσ εἰμι ἐκείνων;

τίνα φαντασίαν ἔχω περὶ ἐμαυτοῦ;

πῶσ ἐμαυτῷ χρῶμαι; μή τι καὶ αὐτὸσ ὡσ φρονίμῳ, μή τι καὶ αὐτὸσ ὡσ ἐγκρατεῖ; μὴ καὶ αὐτὸσ λέγω ποτὲ ταῦτα, ὅτι εἰσ τὸ ἐπιὸν πεπαίδευμαι; ἔχω ἣν δεῖ συναίσθησιν τὸν μηδὲν εἰδότα, ὅτι οὐδὲν οἶδα;

ἔρχομαι πρὸσ τὸν διδάσκαλον ὡσ ἐπὶ τὰ χρηστήρια πείθεσθαι παρεσκευασμένοσ; ἢ καὶ αὐτὸσ κορύζησ μεστὸσ εἰσ τὴν σχολὴν εἰσέρχομαι μόνην τὴν ἱστορίαν μαθησόμενοσ καὶ τὰ βιβλία νοήσων, ἃ πρότερον οὐκ ἐνόουν, ἂν δ’ οὕτωσ τύχῃ, καὶ ἄλλοισ ἐξηγησόμενοσ; " ἄνθρωπ’, ἐν οἴκῳ διαπεπύκτευκασ τῷ δουλαρίῳ, τὴν οἰκίαν ἀνάστατον πεποίηκασ, τοὺσ γείτονασ συντετάραχασ·

καὶ ἔρχῃ μοι καταστολὰσ ποιήσασ ὡσ σοφὸσ καὶ καθήμενοσ κρίνεισ, πῶσ ἐξηγησάμην τὴν λέξιν, πῶσ τί ποτ’ ἐφλυάρησα τὰ ἐπελθόντα μοι; φθονῶν ἐλήλυθασ, τεταπεινωμένοσ, ὅτι σοι ἐξ οἴκου φέρεται οὐδέν, καὶ κάθῃ μεταξὺ λεγομένων τῶν λόγων αὐτὸσ οὐδὲν ἄλλο ἐνθυμούμενοσ ἢ πῶσ ὁ πατὴρ τὰ πρόσ σε ἢ πῶσ ὁ ἀδελφόσ;

"τί λέγουσιν οἱ ἐκεῖ ἄνθρωποι περὶ ἐμοῦ;

ἤθελόν πώσ ποτε πάντα μαθὼν ἐπανελθεῖν, ἀλλὰ πολλοῦ πόνου χρεία καὶ οὐδεὶσ οὐδὲν πέμπει καὶ ἐν Νικοπόλει σαπρῶσ λούει τὰ βαλανεῖα καὶ ἐν οἴκῳ κακῶσ καὶ ὧδε κακῶσ. " Εἶτα λέγουσιν " 3οὐδεὶσ ὠφελεῖται ἐκ τῆσ σχολῆσ". τίσ γὰρ ἔρχεται εἰσ σχολήν, τίσ γάρ, ὡσ θεραπευθησόμενοσ; τίσ ὡσ παρέξων αὑτοῦ τὰ δόγματα ἐκκαθαρθησόμενα, τίσ συναισθησόμενοσ τίνων δεῖται;

τί οὖν θαυμάζετ’, εἰ ἃ φέρετ’ εἰσ τὴν σχολήν, αὐτὰ ταῦτα ἀποφέρετε πάλιν;

οὐ γὰρ ὡσ ἀποθησόμενοι ἢ ἐπανορθώσοντεσ ἢ ἄλλ’ ἀντ’ αὐτῶν ληψόμενοι ἔρχεσθε. πόθεν;

τί οὖν ἔτι ἀγανακτεῖτε εἰ ἐφ’ ἃ πάρεστε, ταῦτα λαμβάνετε; οὐδ’ ἐγγύσ. ἐκεῖνο γοῦν βλέπετε μᾶλλον, εἰ ἐφ’ ὃ ἔρχεσθε τοῦτο ὑμῖν γίνεται. θέλετε λαλεῖν περὶ τῶν θεωρημάτων. τί οὖν; οὐ φλυαρότεροι γίνεσθε; οὐχὶ δὲ παρέχει τινὰ ὕλην ὑμῖν πρὸσ τὸ ἐπιδείκνυσθαι τὰ θεωρημάτια; οὐ συλλογισμοὺσ ἀναλύετε, μεταπίπτοντασ; οὐκ ἐφοδεύετε Ψευδομένου λήμματα, ὑποθετικούσ; "ναί·

ἀλλ’ ἂν ἀποθάνῃ μου τὸ παιδίον ἢ ὁ ἀδελφὸσ ἢ ἐμὲ ἀποθνῄσκειν δέῃ ἢ στρεβλοῦσθαι, τί με τὰ τ οιαῦτα ὠφελήσει; μὴ γὰρ ἐπὶ τοῦτο ἦλθεσ, μὴ γὰρ τούτου ἕνεκά μοι παρακάθησαι, μὴ γὰρ διὰ τοῦτό ποτε λύχνον ἧψασ ἢ ἠγρύπνησασ;

ἢ εἰσ τὸν περίπατον ἐξελθὼν προέβαλέσ ποτε σαυτῷ φαντασίαν τινὰ ἀντὶ συλλογισμοῦ καὶ ταύτην κοινῇ ἐφωδεύσατε; ποῦ ποτε;

εἶτα λέγετε "ἄχρηστα τὰ θεωρήματα". τίσιν; τοῖσ οὐχ ὡσ δεῖ χρωμένοισ. τὰ γὰρ κολλύρια οὐκ ἄχρηστα τοῖσ ὅτε δεῖ καὶ ὡσ δεῖ ἐγχριομένοισ, τὰ μαλάγματα δ’ οὐκ ἄχρηστα, οἱ ἁλτῆρεσ οὐκ ἄχρηστοι, ἀλλὰ τισὶν ἄχρηστοι, τισὶν πάλιν χρήσιμοι. ἄν μου πυνθάνῃ νῦν "χρήσιμοί εἰσιν οἱ συλλογισμοί;

ἐρῶ σοι ὅτι χρήσιμοι, κἂν θέλῃσ, ἀποδείξω, πῶσ. "ἐμὲ οὖν τι ὠφελήκασιν; ἄνθρωπε, μὴ γὰρ ἐπύθου, εἰ σοὶ χρήσιμοι, ἀλλὰ καθόλου; πυθέσθω μου καὶ ὁ δυσεντερικόσ, εἰ χρήσιμον ὄξοσ, ἐρῶ ὅτι χρήσιμον.

"ἐμοὶ οὖν χρήσιμον; ἐρῶ "οὔ". ζήτησον πρῶτον σταλῆναί σου τὸ ῥεῦμα, τὰ ἑλκύδρια ἀπουλωθῆναι. καὶ ὑμεῖσ, ἄνδρεσ, τὰ ἕλκη πρῶτον θεραπεύετε, τὰ ῥεύματα ἐπιστήσατε, ἠρεμήσατε τῇ διανοίᾳ, ἀπερίσπαστον αὐτὴν ἐνέγκατε εἰσ τὴν σχολήν· καὶ γνώσεσθε οἱάν ἰσχὺν ὁ λόγοσ ἔχει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Epictetus, Works, book 2, Περὶ ἀνομολογίασ.

(에픽테토스, Works, book 2, Περὶ ἀνομολογίασ.)

상위

목록

SEARCH

MENU NAVIGATION