헬라어 문장 검색 - Πλυταρ́Θυαεστι

(플루타르코스, Quaestiones Convivales, book 8, Διὰ τί τοῖσ φθινοπωρινοῖσ ἐνυπνίοισ ἥκιστα πιστεύομεν. 16:)

"πρὸσ ἡμᾶσ οὐ γὰρ ἀγνοοῦμεν, ὅτι τὴν Ἀριστοτέλουσ δόξαν εὐδοκιμῆσαι βουλόμενοσ ὥσπερ σκιὰν αὐτῇ τὴν Δημοκρίτου παραβέβληκασ. "ἐπ’ ἐκείνην οὖν τρεψόμεθα κἀκείνῃ μαχούμεθα κατηγορούσῃ τῶν νέων καρπῶν καὶ τῆσ φίλησ ὀπώρασ οὐ προσηκόντωσ. "τὸ γὰρ θέροσ αὐτοῖσ μαρτυρεῖ καὶ τὸ μετόπωρον, ὅτε μάλιστα χλωρὰν καὶ φλύουσαν, ὡσ Ἀντίμαχοσ ἔφη, τὴν ὀπώραν γεννωμένην ἄρτι προσφερόμενοι ἧττον ἀπατηλοῖσ καὶ ψευδέσιν ἐνυπνίοισ σύνεσμεν οἱ δὲ φυλλοχόοι μῆνεσ ἤδη τῷ χειμῶνι παρασκηνοῦντεσ ἐν πέψει τὰ σιτία καὶ τὰ περιόντα τῶν ἀκροδρύων ἰσχνὰ καὶ ῥυσὰ καὶ πᾶν ἀφεικότα τὸ πληκτικὸν ἐκεῖνο καὶ μανικὸν ἔχουσι. "καὶ μὴν οἴνου γε τὸν νέον οἱ πρωιαίτατα πίνοντεσ Ἀνθεστηριῶνι πίνουσι μηνὶ μετὰ χειμῶνα· "καὶ τὴν ἡμέραν ἐκείνην ἡμεῖσ μὲν Ἀγαθοῦ Δαίμονοσ, Ἀθηναῖοι δὲ Πιθοίγια προσαγορεύουσι· "γλεύκουσ δὲ ζέοντοσ ἀεὶ ἀφαιρεῖσθαι καὶ τοὺσ ἐργάτασ δεδιότασ ὁρῶμεν. "ἀφέντεσ οὖν τὸ συκοφαντεῖν τὰ τῶν θεῶν δῶρα μετίωμεν ἑτέραν ὁδόν, ἣν ὑφηγεῖται τοὔνομα τοῦ χρόνου καὶ τῶν ὑπηνεμίων καὶ ψευδῶν ὀνείρων. "φυλλοχόοσ γὰρ ὀνομάζεται διὰ ψυχρότητα καὶ ξηρότητα τηνικαῦτα τῶν φύλλων ἀπορρεόντων· "πλὴν εἴ τι θερμόν ἐστιν ἢ λιπαρὸν ὡσ ἐλαῖαι καὶ δάφναι καὶ φοίνικεσ ἢ διερὸν ὡσ μυρσίνη καὶ κιττόσ; ". τούτοισ γὰρ ἡ κρᾶσισ βοηθεῖ τοῖσ δ’ ἄλλοισ οὔ· "οὐ γὰρ παραμένει τὸ ἐχέκολλον καὶ συνεκτικόν, ἢ πυκνουμένησ ψυχρότητι τῆσ ἰκμάδοσ ἢ ξηραινομένησ δι’ ἔνδειαν ἢ δι’ ἀσθένειαν. "ἔστι μὲν οὖν καὶ φυτοῖσ ὑγρότητι ἢ θερμότητι τεθηλέναι καὶ αὐξάνεσθαι, μᾶλλον δὲ τοῖσ ζῴοισ· "καὶ τοὐναντίον ἡ ψυχρότησ καὶ ἡ ξηρότησ ὀλέθριον. "διὸ χαριέντωσ Ὅμηροσ εἰώθε διεροὺσ βροτοὺσ καλεῖν, καὶ τὸ μὲν χαίρειν ἰαίνεσθαι, ῥιγεδανόν δὲ καὶ κρυερόν τὸ λυπηρὸν καὶ τὸ φοβερόν. ὁ δ’ ἀλίβασ καὶ ὁ σκελετὸσ ἐπὶ τοῖσ νεκροῖσ λέγονται, λοιδορουμένησ τῷ ὀνόματι τῆσ ξηρότητοσ. "ἔτι τὸ μὲν αἷμα κυριωτάτην τῶν ἐν ἡμῖν ἔχον δύναμιν ἅμα καὶ θερμόν ἐστι καὶ ὑγρόν, τὸ δὲ γῆρασ ἀμφοῖν ἐνδεέσ. ἐοίκε δὲ τοῦ ἐνιαυτοῦ περιιόντοσ οἱο͂ν γῆρασ εἶναι τὸ φθινόπωρον· "οὔπω γὰρ ἥκει τὸ ὑγρόν, οὐκέτι δὲ τὸ θερμὸν ἔρρωται· "δεῖγμα δὲ γεγονὸσ ἀτεχνῶσ ξηρότητοσ ἅμα καὶ ψυχρότητοσ ἐπισφαλῆ ποιεῖ τὰ σώματα πρὸσ τὰσ νόσουσ. "τοῖσ δὴ σώμασι τὰσ ψυχὰσ συμπαθεῖν ἀνάγκη, καὶ μάλιστα παχνουμένου τοῦ πνεύματοσ ἀμαυροῦσθαι τὸ μαντικόν, ὥσπερ κάτοπτρον ὁμίχλησ ἀναπιμπλάμενον. "οὐδὲν οὖν τρανὸν οὐδ’ ἔναρθρον οὐδ’ εὔσημον ἐν ταῖσ φαντασίαισ ἀποδίδωσι, μέχρι οὗ παχὺ καὶ ἀλαμπὲσ καὶ συνεσταλμένον ἐστίν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Quaestiones Convivales, book 8, Διὰ τί τοῖσ φθινοπωρινοῖσ ἐνυπνίοισ ἥκιστα πιστεύομεν. 16:

(플루타르코스, Quaestiones Convivales, book 8, Διὰ τί τοῖσ φθινοπωρινοῖσ ἐνυπνίοισ ἥκιστα πιστεύομεν. 16:)

상위

목록

SEARCH

MENU NAVIGATION