Plutarch, Quaestiones Convivales, book 8, Διὰ τί μάλιστα οἱ Πυθαγορικοὶ ἐμψύχων τοὺσ ἰχθῦσ παρῃτοῦντο.

(플루타르코스, Quaestiones Convivales, book 8, Διὰ τί μάλιστα οἱ Πυθαγορικοὶ ἐμψύχων τοὺσ ἰχθῦσ παρῃτοῦντο.)

"ὁ ἑταῖροσ εἰ μὲν ἄχθεται τοῖσ λεγομένοισ, ὡρ́α πεπαῦσθαι καὶ ἡμᾶσ· "εἰ δὲ ταῦτα τῶν ὑπὸ τὴν ἐχεμυθίαν ἐστίν, ἀλλ’ ἐκεῖνό γε δοκῶ μήτ’ ἄρρητον εἶναι μήτ’ ἀνέξοιστον πρὸσ ἑτέρουσ, ὅτι δὴ μάλιστα τῶν ἰχθύων ἀπείχοντο· "καὶ γὰρ ἱστορεῖται τοῦτο περὶ τῶν παλαιῶν Πυθαγορικῶν καὶ τοῦ καθ’ ἡμᾶσ Ἀλεξικράτουσ ἐνέτυχον μαθηταῖσ, ἄλλα μὲν ἔστιν ὅτε μετρίωσ προσφερομένοισ καὶ νὴ Δία θύουσιν, ἰχθύοσ δὲ μὴ γεύσασθαι τὸ παράπαν ὑπομένουσιν. "ἣν δὲ Τυνδάρησ ὁ Λακεδαιμόνιοσ αἰτίαν ἔλεγε δὲ τῆσ ἐχεμυθίασ τοῦτο γέρασ εἶναι, τοὺσ ἰχθῦσ καλεῖν ἔλλοπασ, οἱο͂ν ἰλλομένην τὴν ὄπα καὶ καθειργομένην ἔχοντασ· "καὶ τὸν ὁμώνυμον ἐμοὶ τῷ παυσαμένῳ Πυθαγορικῶσ περαίνειν τὰ δόγματα στέγουσαι φρενὸσ ἀλλ’ ὅπερ ἐλάσσω, καὶ ὅλωσ θεῖον ἡγεῖσθαι τὴν σιωπὴν τοὺσ ἄνδρασ, ἅτε δὴ καὶ τῶν θεῶν ἔργοισ καὶ πράγμασιν ἄνευ φωνῆσ ἐπιδεικνυμένων ἃ βούλονται τοῖσ ξυνετοῖσ. τοῦ δὲ Λευκίου πράωσ καὶ ἀφελῶσ εἰπόντοσ, ὡσ ὁ μὲν ἀληθὴσ ἴσωσ λόγοσ καὶ νῦν ἀπόθετοσ καὶ ἀπόρρητοσ εἰή, τοῦ δὲ πιθανοῦ καὶ εἰκότοσ οὐ φθόνοσ ἀποπειρᾶσθαι·

πρῶτοσ Θέων ὁ γραμματικὸσ εἶπεν, ὅτι Τυρρηνὸν μὲν ἀποδεῖξαι Πυθαγόραν μέγ’ ἔργον εἰή καὶ οὐ ῥᾴδιον·

Αἰγυπτίων δὲ τοῖσ σοφοῖσ συγγενέσθαι πολὺν χρόνον ὁμολογεῖται ζηλῶσαὶ τε πολλὰ καὶ δοκιμάσαι μάλιστα τῶν περὶ τὰσ ἱερατικὰσ ἁγιστείασ, οἱο͂́ν ἐστι καὶ τὸ τῶν κυάμων οὔτε γὰρ σπείρειν οὔτε σιτεῖσθαι κύαμον Αἰγυπτίουσ, ἀλλ’ οὐδ’ ὁρῶντασ ἀνέχεσθαί φησιν ὁ Ἡρόδοτοσ.

ἰχθύων δὲ καὶ τοὺσ ἱερεῖσ ἴσμεν ἔτι νῦν ἀπεχομένουσ·

ἁγνεύοντεσ δὲ καὶ τὸν ἅλα φεύγουσιν, ὡσ μήτ’ ὄψον προσφέρεσθαι μήτ’ ἄλλο τι ἁλσὶ θαλαττίοισ μεμιγμένον. ἄλλοι μὲν οὖν ἄλλασ αἰτίασ φέρουσιν·

ἔστι δ’ ἀληθὴσ μία, τὸ πρὸσ τὴν θάλατταν ἔχθοσ, ὡσ ἀσύμφυλον ἡμῖν καὶ ἀλλότριον μᾶλλον δ’ ὅλωσ πολέμιον τῇ φύσει τοῦ ἀνθρώπου στοιχεῖον.

οὐ γὰρ τρέφεσθαι τοὺσ θεοὺσ ἀπ’ αὐτῆσ, ὥσπερ οἱ Στωικοὶ τοὺσ ἀστέρασ ὑπολαμβάνουσιν, ἀλλὰ τοὐναντίον εἰσ ταύτην ἀπόλλυσθαι τὸν πατέρα καὶ σωτῆρα τῆσ χώρασ, ὃν Ὀσίριδοσ ἀπορροὴν ὀνομάζουσι.

καὶ θρηνοῦντεσ τὸν ἐν τοῖσ ἀριστεροῖσ μέρεσι γεννώμενον ἐν δὲ τοῖσ δεξιοῖσ φθειρόμενον, αἰνίττονται τὴν τοῦ Νείλου τελευτὴν καὶ φθορὰν ἐν τῇ θαλάττῃ γιγνομένην. μήτε συμφύλου νομῆσ μέτεστιν, ἀλλ’ ὁ σῴζων πάντα τἄλλα καὶ τρέφων ἀήρ, ἐκείνοισ ὀλέθριόσ ἐστιν, ὡσ παρὰ φύσιν καὶ χρείαν γεγονόσι καὶ ζῶσιν.

οὐ δεῖ δὲ θαυμάζειν, εἰ τὰ ζῷα διὰ τὴν θάλατταν ἀλλότρια καὶ οὐκ ἐπιτήδεια καταμίγνυσθαι εἰσ αἷμα καὶ πνεῦμα νομίζουσιν αὑτῶν, οἵ γε μηδὲ τοὺσ κυβερνήτασ ἀξιοῦσι προσαγορεύειν ἀπαντῶντεσ, ὅτι τὸν βίον ἀπὸ θαλάττησ ἔχουσι.

ταῦτ’ ἐπαινέσασ ὁ Σύλλασ προσεῖπε περὶ τῶν Πυθαγορικῶν, ὡσ μάλιστα μὲν ἐγεύοντο τῶν ἱεροθύτων ἀπαρξάμενοι τοῖσ θεοῖσ·

ἰχθύων δὲ θύσιμοσ οὐδεὶσ οὐδ’ ἱερεύσιμόσ ἐστιν. ἐγὼ δέ, παυσαμένων ἐκείνων, Αἰγυπτίοισ μὲν ἔφην ὑπὲρ τῆσ θαλάττησ πολλοὺσ μαχεῖσθαι καὶ φιλοσόφουσ καὶ ἰδιώτασ, ἐκλογιζομένουσ ὅσοισ ἀγαθοῖσ εὐπορώτερον καὶ ἡδίω τὸν βίον ἡμῶν πεποίηκεν.

ἀναλισκομένοισ ὑπ’ αὐτῶν.

καίτοι βόλον ἰχθύων πρίασθαὶ ποτέ φασι τὸν Πυθαγόραν, εἶτ’ ἀφεῖναι κελεῦσαι τὴν σαγήνην, οὐχ ὡσ ἀλλοφύλων καὶ πολεμίων ἀμελήσαντα τῶν ἰχθύων ἀλλ’ ὡσ ὑπὲρ φίλων καὶ οἰκείων γεγονότων αἰχμαλώτων λύτρα καταβαλόντα. "ὑπονοεῖν τῶν ἀνδρῶν ἡ ἐπιείκεια καὶ πραότησ δίδωσι, μήποτ’ ἄρα μελέτησ ἕνεκεν τοῦ δικαίου καὶ συνηθείασ ἐφείδοντο μάλιστα τῶν ἐναλίων, ὡσ τἄλλα·

"μὲν αἰτίαν ἁμωσγέπωσ παρέχοντα τοῦ κακῶσ πάσχειν τἀνθρώπῳ, τοὺσ δ’ ἰχθῦσ οὐδὲν ἀδικοῦντασ ἡμᾶσ, οὐδ’ εἰ πάνυ πεφύκασι δυναμένουσ. "πάρεστι δὲ τῶν τε λόγων καὶ τῶν ἱερῶν εἰκάζειν τοῖσ παλαιοῖσ, ὡσ οὐ μόνον ἐδωδὴν ἀλλὰ καὶ φόνον ζῴου μὴ βλάπτοντοσ ἔργον ἐναγὲσ καὶ ἄθεσμον ἐποιοῦντο· "πλήθει δ’ ἐπιχεομένῳ καθειργόμενοι, καὶ χρησμοῦ τινοσ, ὥσ φασιν, ἐκ Δελφῶν ἐπικελευσαμένου τοῖσ καρποῖσ ἀρήγειν φθειρομένοισ, ἤρξαντο μὲν καθιερεύειν· "ἔτι δ’ ὅμωσ ταραττόμενοι καὶ δειμαίνοντεσ ἔρδειν μὲν ἐκάλουν καὶ ῥέζειν, ὥσ τι μέγα δρῶντεσ τὸ θύειν ἔμψυχον· "ἄχρι δὲ νῦν παραφυλάττουσιν ἰσχυρῶσ τὸ μὴ σφάττειν, πρὶν ἐπινεῦσαι κατασπενδόμενον. "οὕτωσ εὐλαβεῖσ πρὸσ ἅπασαν ἀδικίαν ἦσαν. "καίτοι, ἵνα τἄλλα· "ἐάσωμεν, εἰ μόνον ἀλεκτορίδων ἀπείχοντο πάντεσ ἢ δασυπόδων, οὐκ ἂν ἦν χρόνου βραχέοσ ὑπὸ πλήθουσ οὔτε πόλιν οἰκεῖν οὔτε καρπῶν ὄνασθαι· "διὸ τῆσ ἀνάγκησ ἐπαιγούσησ τὸ πρῶτον, ἤδη καὶ δι’ ἡδονὴν ἔργον ἐστὶ παῦσαι τὴν σαρκοφαγίαν. "τὸ δὲ τῶν θαλαττίων γένοσ οὔτ’ ἀέρα τὸν αὐτὸν οὔθ’ ὕδωρ ἀναλίσκον ἡμῖν οὐδὲ καρποῖσ προσιόν, ἀλλ’ ὥσπερ ἑτέρῳ κόσμῳ περιεχόμενον καὶ χρώμενον ὁρ́οισ ἰδίοισ, οὓσ ὑπερβαίνουσιν αὐτοῖσ ἐπίκειται δίκη ὁ θάνατοσ, οὔτε μικρὰν οὔτε μεγάλην τῇ γαστρὶ πρόφασιν κατ’ αὐτῶν δίδωσιν· "ἀλλὰ παντὸσ ἰχθύοσ ἄγρα καὶ σαγηνεία λαιμαργίασ καὶ φιλοψίασ περιφανῶσ ἔργον ἐστίν, ἐπ’ οὐδενὶ δικαίῳ ταραττούσησ τὰ πελάγη καὶ καταδυομένησ εἰσ τὸν βυθόν. οὔτε γὰρ τρίγλαν ἔστι δήπου ληιβότειραν οὔτε σκάρον τρυγηφάγον οὔτε κεστρεῖσ τινασ ἢ λάβρακασ σπερμολόγουσ προσειπεῖν, ὡσ τὰ χερσαῖα κατηγοροῦντεσ ὀνομάζομεν ἀλλ’ οὐδ’ ὅσα γαλῇ καὶ μυίᾳ κατοικιδίῳ μικρολόγωσ ἐγκαλοῦμεν ἔχοι τισ ἂν αἰτιάσασθαι τὸν μέγιστον ἰχθῦν. ὅθεν ἀνείργοντεσ ἑαυτοὺσ οὐ νόμῳ μόνῳ τῆσ πρὸσ ἄνθρωπον ἀδικίασ ἀλλὰ καὶ φύσει τῆσ πρὸσ ἅπαν τὸ μὴ βλάπτον, ἣκιστα τῶν ὄψων ἐχρῶντο τοῖσ ἰχθύσιν ἢ τὸ παράπαν οὐκ ἐχρῶντο· "καὶ γὰρ ἄνευ τῆσ ἀδικίασ ἀκρασίαν τινὰ καὶ λιχνείαν ἐμφαίνειν ἐοίκεν ἡ περὶ ταῦτα πραγματεία πολυτελὴσ οὖσα καὶ περίεργοσ. "ὅθεν Ὅμηροσ οὐ μόνον τοὺσ Ἕλληνασ ἰχθύων ἀπεχομένουσ πεποίηκε παρὰ τὸν Ἑλλήσποντον στρατοπεδεύοντασ, ἀλλ’ οὐδ’ ἁβροβίοισ Φαίαξιν οὐδὲ τοῖσ ἀσώτοισ μνηστῆρσιν, ἀμφοτέροισ οὖσι νησιώταισ, θαλάττιον παρατέθεικεν ὄψον· "οἱ δ’ Ὀδυσσέωσ ἑταῖροι, τοσαύτην πλέοντεσ θάλατταν, οὐδαμοῦ καθῆκαν ἄγκιστρον οὐδὲ πόρκον οὐδὲ δίκτυον, ἀλφίτων παρόντων· "ἀλλ’ ὅτε δὴ νηὸσ ἐξέφθιτο ἠιά πάντα, μικρὸν ἔμπροσθεν ἢ ταῖσ τοῦ Ἡλίου βουσὶν ἐπιχειρεῖν, ἰχθῦσ ἀγρεύοντεσ, οὐκ ὄψον ἀλλὰ τροφὴν ἀναγκαίαν ἐποιοῦντο γναμπτοῖσ ἀγκίστροισιν ἔτειρε δὲ γαστέρα λιμὸσ ὑπὸ τῆσ αὐτῆσ ἀνάγκησ ἰχθύσι τε χρωμένων καὶ τὰσ τοῦ Ἡλίου βοῦσ κατεσθιόντων. "ὅθεν οὐ παρ’ Αἰγυπτίοισ μόνον οὐδὲ Σύροισ, ἀλλὰ καὶ παρ’ Ἕλλησι γέγονεν ἁγνείασ μέροσ ἀποχὴ ἰχθύων, μετὰ τοῦ δικαίου καὶ τὸ περίεργον οἶμαι τῆσ βρώσεωσ ἀποδιοπομπουμένοισ. "πολιτῶν ὥσπερ Μεγαρέων οὐδεὶσ λόγοσ·

"καίτοι πολλάκισ ἀκήκοασ ἐμοῦ λέγοντοσ, ὅτι ἀεὶ οἱ τοῦ Ποσειδῶνοσ ἱερεῖσ, οὓσ ἱερομνήμονασ καλοῦμεν, ἰχθῦσ οὐκ ἐσθίουσιν ὁ γὰρ θεὸσ λέγεται φυτάλμιοσ. "οἱ δ’ ἀφ’ Ἕλληνοσ τοῦ παλαιοῦ καὶ πατρογενίῳ Ποσειδῶνι θύουσιν, ἐκ τῆσ ὑγρᾶσ τὸν ἄνθρωπον οὐσίασ φῦναι δοξάζοντεσ, ὡσ καὶ Σύροι· "διὸ καὶ σέβονται τὸν ἰχθῦν, ὡσ ὁμογενῆ καὶ σύντροφον, ἐπιεικέστερον Ἀναξιμάνδρου φιλοσοφοῦντεσ· "οὐ γὰρ ἐν τοῖσ αὐτοῖσ ἐκεῖνοσ ἰχθῦσ καὶ ἀνθρώπουσ, ἀλλ’ ἐν ἰχθύσιν ἐγγενέσθαι τὸ πρῶτον ἀνθρώπουσ ἀποφαίνεται, καὶ τραφέντασ ὥσπερ οἱ γαλεοὶ καὶ γενομένουσ ἱκανοὺσ ἑαυτοῖσ βοηθεῖν ἐκβῆναι τηνικαῦτα καὶ γῆσ λαβέσθαι. "καθάπερ οὖν τὸ πῦρ τὴν ὕλην, ἐξ ἧσ ἀνήφθη, μητέρα καὶ πατέρ’ οὖσαν, ἢσθιεν, ὡσ ὁ τὸν Κήυκοσ γάμον εἰσ τὰ Ἡσιόδου παρεμβαλὼν εἴρηκεν οὕτωσ ὁ Ἀναξίμανδροσ τῶν ἀνθρώπων πατέρα καὶ μητέρα κοινὸν ἀποφήνασ τὸν ἰχθῦν διέβαλεν πρὸσ τὴν βρῶσιν.

상위

Quaestiones Convivales

목록

일치하는 문장이 없습니다.

SEARCH

MENU NAVIGATION