헬라어 문장 검색 - Πλυταρ́Θυαεστι

(플루타르코스, Quaestiones Convivales, book 8, Διὰ τί μάλιστα οἱ Πυθαγορικοὶ ἐμψύχων τοὺσ ἰχθῦσ παρῃτοῦντο. 18:)

"ὑπονοεῖν τῶν ἀνδρῶν ἡ ἐπιείκεια καὶ πραότησ δίδωσι, μήποτ’ ἄρα μελέτησ ἕνεκεν τοῦ δικαίου καὶ συνηθείασ ἐφείδοντο μάλιστα τῶν ἐναλίων, ὡσ τἄλλα· "μὲν αἰτίαν ἁμωσγέπωσ παρέχοντα τοῦ κακῶσ πάσχειν τἀνθρώπῳ, τοὺσ δ’ ἰχθῦσ οὐδὲν ἀδικοῦντασ ἡμᾶσ, οὐδ’ εἰ πάνυ πεφύκασι δυναμένουσ. "πάρεστι δὲ τῶν τε λόγων καὶ τῶν ἱερῶν εἰκάζειν τοῖσ παλαιοῖσ, ὡσ οὐ μόνον ἐδωδὴν ἀλλὰ καὶ φόνον ζῴου μὴ βλάπτοντοσ ἔργον ἐναγὲσ καὶ ἄθεσμον ἐποιοῦντο· "πλήθει δ’ ἐπιχεομένῳ καθειργόμενοι, καὶ χρησμοῦ τινοσ, ὥσ φασιν, ἐκ Δελφῶν ἐπικελευσαμένου τοῖσ καρποῖσ ἀρήγειν φθειρομένοισ, ἤρξαντο μὲν καθιερεύειν· "ἔτι δ’ ὅμωσ ταραττόμενοι καὶ δειμαίνοντεσ ἔρδειν μὲν ἐκάλουν καὶ ῥέζειν, ὥσ τι μέγα δρῶντεσ τὸ θύειν ἔμψυχον· "ἄχρι δὲ νῦν παραφυλάττουσιν ἰσχυρῶσ τὸ μὴ σφάττειν, πρὶν ἐπινεῦσαι κατασπενδόμενον. "οὕτωσ εὐλαβεῖσ πρὸσ ἅπασαν ἀδικίαν ἦσαν. "καίτοι, ἵνα τἄλλα· "ἐάσωμεν, εἰ μόνον ἀλεκτορίδων ἀπείχοντο πάντεσ ἢ δασυπόδων, οὐκ ἂν ἦν χρόνου βραχέοσ ὑπὸ πλήθουσ οὔτε πόλιν οἰκεῖν οὔτε καρπῶν ὄνασθαι· "διὸ τῆσ ἀνάγκησ ἐπαιγούσησ τὸ πρῶτον, ἤδη καὶ δι’ ἡδονὴν ἔργον ἐστὶ παῦσαι τὴν σαρκοφαγίαν. "τὸ δὲ τῶν θαλαττίων γένοσ οὔτ’ ἀέρα τὸν αὐτὸν οὔθ’ ὕδωρ ἀναλίσκον ἡμῖν οὐδὲ καρποῖσ προσιόν, ἀλλ’ ὥσπερ ἑτέρῳ κόσμῳ περιεχόμενον καὶ χρώμενον ὁρ́οισ ἰδίοισ, οὓσ ὑπερβαίνουσιν αὐτοῖσ ἐπίκειται δίκη ὁ θάνατοσ, οὔτε μικρὰν οὔτε μεγάλην τῇ γαστρὶ πρόφασιν κατ’ αὐτῶν δίδωσιν· "ἀλλὰ παντὸσ ἰχθύοσ ἄγρα καὶ σαγηνεία λαιμαργίασ καὶ φιλοψίασ περιφανῶσ ἔργον ἐστίν, ἐπ’ οὐδενὶ δικαίῳ ταραττούσησ τὰ πελάγη καὶ καταδυομένησ εἰσ τὸν βυθόν. οὔτε γὰρ τρίγλαν ἔστι δήπου ληιβότειραν οὔτε σκάρον τρυγηφάγον οὔτε κεστρεῖσ τινασ ἢ λάβρακασ σπερμολόγουσ προσειπεῖν, ὡσ τὰ χερσαῖα κατηγοροῦντεσ ὀνομάζομεν ἀλλ’ οὐδ’ ὅσα γαλῇ καὶ μυίᾳ κατοικιδίῳ μικρολόγωσ ἐγκαλοῦμεν ἔχοι τισ ἂν αἰτιάσασθαι τὸν μέγιστον ἰχθῦν. ὅθεν ἀνείργοντεσ ἑαυτοὺσ οὐ νόμῳ μόνῳ τῆσ πρὸσ ἄνθρωπον ἀδικίασ ἀλλὰ καὶ φύσει τῆσ πρὸσ ἅπαν τὸ μὴ βλάπτον, ἣκιστα τῶν ὄψων ἐχρῶντο τοῖσ ἰχθύσιν ἢ τὸ παράπαν οὐκ ἐχρῶντο· "καὶ γὰρ ἄνευ τῆσ ἀδικίασ ἀκρασίαν τινὰ καὶ λιχνείαν ἐμφαίνειν ἐοίκεν ἡ περὶ ταῦτα πραγματεία πολυτελὴσ οὖσα καὶ περίεργοσ. "ὅθεν Ὅμηροσ οὐ μόνον τοὺσ Ἕλληνασ ἰχθύων ἀπεχομένουσ πεποίηκε παρὰ τὸν Ἑλλήσποντον στρατοπεδεύοντασ, ἀλλ’ οὐδ’ ἁβροβίοισ Φαίαξιν οὐδὲ τοῖσ ἀσώτοισ μνηστῆρσιν, ἀμφοτέροισ οὖσι νησιώταισ, θαλάττιον παρατέθεικεν ὄψον· "οἱ δ’ Ὀδυσσέωσ ἑταῖροι, τοσαύτην πλέοντεσ θάλατταν, οὐδαμοῦ καθῆκαν ἄγκιστρον οὐδὲ πόρκον οὐδὲ δίκτυον, ἀλφίτων παρόντων· "ἀλλ’ ὅτε δὴ νηὸσ ἐξέφθιτο ἠιά πάντα, μικρὸν ἔμπροσθεν ἢ ταῖσ τοῦ Ἡλίου βουσὶν ἐπιχειρεῖν, ἰχθῦσ ἀγρεύοντεσ, οὐκ ὄψον ἀλλὰ τροφὴν ἀναγκαίαν ἐποιοῦντο γναμπτοῖσ ἀγκίστροισιν ἔτειρε δὲ γαστέρα λιμὸσ ὑπὸ τῆσ αὐτῆσ ἀνάγκησ ἰχθύσι τε χρωμένων καὶ τὰσ τοῦ Ἡλίου βοῦσ κατεσθιόντων. "ὅθεν οὐ παρ’ Αἰγυπτίοισ μόνον οὐδὲ Σύροισ, ἀλλὰ καὶ παρ’ Ἕλλησι γέγονεν ἁγνείασ μέροσ ἀποχὴ ἰχθύων, μετὰ τοῦ δικαίου καὶ τὸ περίεργον οἶμαι τῆσ βρώσεωσ ἀποδιοπομπουμένοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Quaestiones Convivales, book 8, Διὰ τί μάλιστα οἱ Πυθαγορικοὶ ἐμψύχων τοὺσ ἰχθῦσ παρῃτοῦντο. 18:

(플루타르코스, Quaestiones Convivales, book 8, Διὰ τί μάλιστα οἱ Πυθαγορικοὶ ἐμψύχων τοὺσ ἰχθῦσ παρῃτοῦντο. 18:)

상위

목록

SEARCH

MENU NAVIGATION