Plutarch, Quaestiones Romanae, section 25 2:

(플루타르코스, Quaestiones Romanae, section 25 2:)

ἤ τοῦτο μὲν ἔχει πολλὰσ ἀλογίασ; ἄλλῃ τε γὰρ ἡμέρᾳ τὴν μάχην ἡττήθησαν, ἣν Ἀλιάδα διὰ τὸν ποταμὸν καλοῦντεσ ἀφοσιοῦνται, καὶ πολλῶν ἀποφράδων οὐσῶν οὐκ ἐν παντὶ μηνὶ τὰσ ὁμωνύμουσ παραφυλάττουσιν, ἀλλ’ ἑκάστην ἐν ᾧ συνέτυχε, τὸ τε ταῖσ μετὰ νώνασ καὶ καλάνδασ ἁπλῶσ ἁπάσαισ προστρίψασθαι τὴν δεισιδαιμονίαν ἀπιθανώτατον. ὁρ́α δὴ μή, καθάπερ τῶν μηνῶν τὸν μὲν πρῶτον ὀλυμπίοισ θεοῖσ ἱέρωσαν, τὸν δὲ δεύτερον χθονίοισ ἐν ᾧ καὶ καθαρμούσ τινασ τελοῦσι καὶ τοῖσ κατοιχομένοισ ἐναγίζουσιν, οὕτω καὶ τῶν ἡμερῶν τὰσ μὲν οἱο͂ν ἀρχὰσ καὶ κυρίασ ὥσπερ εἴρηται τρεῖσ οὔσασ ἑορτασίμουσ καὶ ἱερὰσ ἔθεντο, τὰσ δ’ ἐφεξῆσ δαίμοσι καὶ φθιτοῖσ ἐπιφημίσαντεσ ἀποφράδασ καὶ ἀπράκτουσ ἐνόμισαν.

일치하는 문장이 없습니다.

SEARCH

MENU NAVIGATION