Plutarch, Quaestiones Romanae, section 99

(플루타르코스, Quaestiones Romanae, section 99)

"διὰ τί τῶν ἄλλων ἱερέων τὸν καταδικασθέντα καὶ φυγόντα παύοντεσ ἕτερον αἱροῦνται, τοῦ δ’ αὔγουροσ, ἑώσ ζῇ, κἂν ἐπὶ τοῖσ μεγίστοισ ἀδικήμασι καταγνῶσιν, οὐκ ἀφαιροῦνται τὴν ἱερωσύνην; "’ αὔγουρασ ’ δὲ τοὺσ ἐπὶ τῶν οἰωνῶν καλοῦσι. πότερον, ὡσ ἔνιοι λέγουσι, βούλονται μηδένα τὰ τῶν ἱερῶν ἀπόρρητα γιγνώσκειν, ὃσ οὐκ ἔστιν ἱερεύσ; ἢ κατειλημμένον ὁρ́κοισ τὸν αὔγουρα μηδενὶ φράσειν τὰ τῶν ἱερῶν ἀπολῦσαι τῶν ὁρ́κων οὐ θέλουσιν ἰδιώτην γενόμενον; ἢ τιμῆσ οὐκ ἔστιν οὐδ’ ἀρχῆσ ἀλλ’ ἐπιστήμησ ὄνομα καὶ τέχνησ ὁ αὔγουρ; ὅμοιον οὖν τῷ τὸν μουσικὸν ἀποψηφίσασθαι μουσικὸν μὴ εἶναι καὶ τὸν ἰατρὸν ἰατρὸν τὸ κωλύειν μάντιν εἶναι τὸν μάντιν, ἀφελέσθαι μὴ δυναμένουσ τὴν δύναμιν αὐτοῦ, κἂν ἀφέλωνται τὴν προσηγορίαν. ἄλλον δ’ οὐ καθιστᾶσιν εἰκότωσ τὸν ἐξ ἀρχῆσ ἀριθμὸν τῶν αὐγούρων φυλάττοντεσ.

일치하는 문장이 없습니다.

SEARCH

MENU NAVIGATION