Plutarch, Quaestiones Romanae, section 34

(플루타르코스, Quaestiones Romanae, section 34)

"διὰ τί τῶν ἄλλων Ῥωμαίων ἐν τῷ Φεβρουαρίῳ μηνὶ ποιουμένων χοὰσ καὶ ἐναγισμοὺσ τοῖσ τεθνηκόσι Δέκιμοσ Βροῦτοσ, ὡσ Κικέρων ἱστόρηκεν, ἐν τῷ Δεκεμβρίῳ τοῦτ’ ἔπραττεν; "ἦν δ’ οὗτοσ ὁ Λυσιτάνειαν ἐπελθὼν καὶ πρῶτοσ ἐπέκεινα στρατῷ διαβὰσ τὸν τῆσ Λήθησ ποταμόν. πότερον, ὥσπερ ἡμέρασ ληγούσησ καὶ μηνὸσ φθίνοντοσ εἰώθασιν ἐναγίζειν οἱ πολλοί, λόγον ἔχει καὶ τοῦ ἐνιαυτοῦ καταστρέφοντοσ ἐν τῷ τελευταίῳ μηνὶ τιμᾶν τοὺσ τεθνηκότασ; ἔστι, δὲ τῶν μηνῶν τελευταῖοσ ὁ Δεκέμβριοσ. ἢ χθονίων μὲν αἱ τιμαὶ θεῶν, τιμᾶν δὲ τοὺσ χθονίουσ ὡραῖόν ἐστι, τῶν καρπῶν ἁπάντων εἰληφότων συντέλειαν; ἤ ὅτε κινοῦσι τὴν γῆν ἀρχόμενοι σπόρου μεμνῆσθαι μάλιστα τῶν κάτω προσήκει;

ἢ Κρόνῳ μὲν οὗτοσ ὁ μὴν ὑπὸ Ῥωμαίων καθιέρωται, Κρόνον δὲ τῶν κάτω θεῶν οὐ τῶν ἄνω νομίζουσιν; ἤ μεγίστησ αὐτοῖσ ἑορτῆσ τῶν Κρονίων καθεστώσησ καὶ συνουσίασ τε πλείστασ καὶ ἀπολαύσεισ ἔχειν δοκούσησ, ἔδοξε καὶ ταύτησ ἀπονέμειν τινὰσ ἀπαρχὰσ τοῖσ τεθνηκόσιν; ἢ τοῦτο, τὸ μόνον Βροῦτον ἐναγίζειν ἐν τῷ μηνὶ τούτῳ, καθόλου ψεῦδόσ ἐστι; καὶ γὰρ τῇ Λαρεντίᾳ ποιοῦσι τὸν ἐναγισμὸν καὶ χοὰσ ἐπιφέρουσιν ἐπὶ τὸν τάφον τοῦ Δεκεμβρίου μηνόσ.

일치하는 문장이 없습니다.

SEARCH

MENU NAVIGATION