Plutarch, Quaestiones Romanae, section 10

(플루타르코스, Quaestiones Romanae, section 10)

"διὰ τί τοὺσ θεοὺσ προσκυνοῦντεσ ἐπικαλύπτονται τὴν κεφαλήν, τῶν δ’ ἀνθρώπων τοῖσ ἀξίοισ τιμῆσ ἀπαντῶντεσ, κἂν τύχωσιν ἐπὶ τῆσ κεφαλῆσ ἔχοντεσ τὸ ἱμάτιον, ἀποκαλύπτονται; τοῦτο γὰρ ἐοίκε κἀκείνην ἐπιτείνειν τὴν ἀπορίαν. εἰ μὲν οὖν ὁ περὶ Αἰνείου λεγόμενοσ λόγοσ ἀληθήσ ἐστιν, ὅτι τοῦ Διομήδουσ παρεξιόντοσ ἐπικαλυψάμενοσ τὴν θυσίαν ἐπετέλεσε, λόγον ἔχει καὶ ἀκολουθεῖ τῷ συγκαλύπτεσθαι πρὸσ τοὺσ πολεμίουσ τὸ τοῖσ φίλοισ καὶ ἀγαθοῖσ ἐντυγχάνοντασ ἀποκαλύπτεσθαι· τὸ γὰρ πρὸσ ’ τοὺσ θεοὺσ οὐκ ἴδιόν ἐστιν ἀλλὰ κατὰ συμβεβηκόσ, καὶ ἀπ’ ἐκείνου μεμένηκε τηρούμενον. εἰ δ’ ἄλλο τι λέγειν χρή, σκόπει μὴ μόνον ἐκεῖνο δεῖ ζητεῖν, δι’ ὃ τοὺσ θεοὺσ προσκυνοῦντεσ ἐπικαλύπτονται, θάτερον δ’ ἀκόλουθόν ἐστι. τῶν γὰρ ἀνθρώπων ἀποκαλύπτονται τοῖσ δυνατωτέροισ, οὐ τιμὴν αὐτοῖσ προστιθέντεσ, ἀλλὰ τὸν φθόνον αὐτῶν μᾶλλον ἀφαιροῦντεσ, ἵνα μὴ δόξωσι τὰσ αὐτὰσ τοῖσ θεοῖσ τιμὰσ ἀπαιτεῖν μηδ’ ὑπομένειν μηδὲ χαίρειν θεραπευόμενοι παραπλησίωσ ἐκείνοισ. τοὺσ δὲ θεοὺσ οὕτω προσεκύνουν ἢ ταπεινοῦντεσ ἑαυτοὺσ τῇ ἐπικρύψει τῆσ κεφαλῆσ, ἢ μᾶλλον εὐλαβούμενοί τινα φωνὴν προσπεσεῖν αὐτοῖσ ἔξωθεν εὐχομένοισ ἀπαίσιον καὶ δύσφημον ἄχρι τῶν ὤτων ἀνελάμβανον τὸ ἱμάτιον·

ὅτι γὰρ ἰσχυρῶσ ἐφυλάττοντο ταῦτα, δῆλόν ἐστι τῷ προσιόντασ ἐπὶ μαντείαν χαλκωμάτων πατάγῳ περιψοφεῖσθαι. ἢ ὡσ Κάστωρ λέγει τὰ Ῥωμαϊκὰ τοῖσ Πυθαγορικοῖσ συνοικειῶν, τὸν ἐν ἡμῖν δαίμονα δεῖσθαι τῶν ἐκτὸσ θεῶν καὶ ἱκετεύειν, τῇ τῆσ κεφαλῆσ ἐπικαλύψει τὴν τῆσ ψυχῆσ αἰνιττόμενοσ ὑπὸ τοῦ σώματοσ ἐγκάλυψιν καὶ ἀπόκρυψιν.

일치하는 문장이 없습니다.

SEARCH

MENU NAVIGATION