Plutarch, Quaestiones Romanae, section 41

"διὰ τί τὸ παλαιὸν νόμισμα πῇ μὲν εἶχεν Ιἀνοῦ διπρόσωπον εἰκόνα, πῇ δὲ πλοίου πρύμναν ἢ πρῷραν ἐγκεχαραγμένην; πότερον ὡσ οἱ πολλοὶ λέγουσιν ἐπὶ τιμῇ τοῦ Κρόνου πλοίῳ διαπεράσαντοσ εἰσ Ἰταλίαν; ἢ τοῦτο μὲν ἔστιν ἐπὶ πολλῶν λέγειν, καὶ γὰρ Ιἀνὸσ καὶ Εὐάνδροσ καὶ Αἰνείασ ἐκ θαλάττησ προσεκομίσθησαν, ἐκεῖνο δ’. ’ ἄν τισ μᾶλλον εἰκάσειεν ὅτι τὰ μὲν καλὰ ταῖσ πόλεσίν ἐστι τὰ δ’ ἀναγκαῖα· καὶ μέγιστον τῶν μὲν καλῶν ἡ εὐνομία, τῶν δ’ ἀναγκαίων ἡ εὐπορία· ἐπεὶ τοίνυν εὐκοσμίαν μὲν Ιἀνὸσ κατέστησεν αὐτοῖσ ἐξημερώσασ τὸν βίον, ἀφθονίαν δὲ παρέχει, τῶν ἀναγκαίων ὁ ποταμὸσ πλόιμοσ ὢν καὶ τὰ μὲν ἐκ θαλάττησ τὰ δ’ ἀπὸ τῆσ χώρασ κατακομίζων, σύμβολον ἔσχε τὸ νόμισμα τοῦ μὲν νομοθέτου τὸ δίμορφον ὡσ εἴρηται διὰ τὴν μεταβολήν, τοῦ δὲ ποταμοῦ τὸ πορθμεῖον. ἑτέρῳ δ’ ἐχρήσαντο νομίσματι βοῦν ἔχοντι καὶ πρόβατον καὶ ὗν παράσημον, εὐποροῦντεσ ἀπὸ τῶν θρεμμάτων μάλιστα καὶ τὴν περιουσίαν ἀπὸ τούτων ἔχοντεσ· παλαιοῖσ, Συίλλιοι καὶ Βουβολκοὶ καὶ Πόρκιοι ἦσαν, ὡσ Φενεστέλλασ εἴρηκεν.