호흡부호 보기
강세부호 보기
장단부호 보기
작은 Iota 보기
모든 부호 보기
"διὰ τί μικρᾶσ Τύχησ ἱερὸν ἱδρύσατο Σερούιοσ Τούλλιοσ ὁ βασιλεὺσ ἣν ’ βρέβεμ ’ καλοῦσι; πότερον ὅτι μικρὸσ ὢν ἐν ἀρχῇ καὶ ταπεινὰ πράττων καὶ γεγονὼσ ἐκ μητρὸσ αἰχμαλώτου διὰ τὴν τύχην ἐβασίλευσε τῆσ Ῥώμησ· ἢ αὕτη μὲν ἡ μεταβολὴ μέγεθοσ ἐμφαίνει τύχησ μᾶλλον ἢ μικρότητα, πάντων δὲ μάλιστα Σερούιοσ ἐοίκε τὴν τῆσ τύχησ ἐκθειάσασ δύναμιν ἐπιφημίσαι ’ πράξεσιν ἁπάσαισ; οὐ γὰρ μόνον Τύχησ εὐέλπιδοσ καὶ ἀποτροπαίου καὶ μειλιχίασ καὶ πρωτογενείασ καὶ ἄρρενοσ ἱερὰ κατεσκεύασεν, ἀλλ’ ἔστιν ἰδίασ Τύχησ ἱερόν, ἕτερον δ’ ἐπιστρεφομένησ, ἄλλο παρθένου· καὶ τί ἄν τισ ἐπεξίοι τὰσ ἄλλασ ἐπωνυμίασ, ὅπου Τύχησ ἰξευτρίασ ἱερόν ἐστιν, ἣν βισκᾶταν ὀνομάζουσιν, ὡσ πόρρωθεν ἡμῶν ἁλισκομένων ὑπ’ αὐτῆσ καὶ προσισχομένων τοῖσ πράγμασιν; ὁρ́α δὴ μὴ καταμαθὼν τὸ παρὰ μικρὸν ἀεὶ τῆσ τύχησ μέγα δυνάμενον, καὶ ὅτι τῷ γενέσθαι τι μικρὸν ἢ μὴ γενέσθαι τι πολλάκισ ὑπῆρξεν ἐνίοισ τυχεῖν ἢ διαμαρτεῖν τῶν μεγίστων, μικρᾶσ Τύχησ ἱερὸν ἱδρύσατο, προσέχειν διδάσκων τοῖσ πράγμασι καὶ μὴ καταφρονεῖν διὰ μικρότητα τῶν ἐντυγχανόντων.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기