Plato, Republic, book 8 20:

οὐ χαλεπῶσ, ἦν δ’ ἐγώ, ἀκούσῃ. εἰσὶ γὰρ ἃσ λέγω, αἵπερ καὶ ὀνόματα ἔχουσιν, ἥ τε ὑπὸ τῶν πολλῶν ἐπαινουμένη, ἡ Κρητική τε καὶ Λακωνικὴ αὕτη· καὶ δευτέρα καὶ δευτέρωσ ἐπαινουμένη, καλουμένη δ’ ὀλιγαρχία, συχνῶν γέμουσα κακῶν πολιτεία· ἥ τε ταύτῃ διάφοροσ καὶ ἐφεξῆσ γιγνομένη δημοκρατία, καὶ ἡ γενναία δὴ τυραννὶσ καὶ πασῶν τούτων διαφέρουσα, τέταρτόν τε καὶ ἔσχατον πόλεωσ νόσημα. ἤ τινα ἄλλην ἔχεισ ἰδέαν πολιτείασ, ἥτισ καὶ ἐν εἴδει διαφανεῖ τινι κεῖται;