Plato, Republic, book 2 84:

κατὰ τίνα οὖν ἔτι λόγον δικαιοσύνην ἂν πρὸ μεγίστησ ἀδικίασ αἱροίμεθ’ ἄν, ἣν ἐὰν μετ’ εὐσχημοσύνησ κιβδήλου κτησώμεθα, καὶ παρὰ θεοῖσ καὶ παρ’ ἀνθρώποισ πράξομεν κατὰ νοῦν ζῶντέσ τε καὶ τελευτήσαντεσ, ὡσ ὁ τῶν πολλῶν τε καὶ ἄκρων λεγόμενοσ λόγοσ; ἐκ δὴ πάντων τῶν εἰρημένων τίσ μηχανή, ὦ Σώκρατεσ, δικαιοσύνην τιμᾶν ἐθέλειν ᾧ τισ δύναμισ ὑπάρχει ψυχῆσ ἢ χρημάτων ἢ σώματοσ ἢ γένουσ, ἀλλὰ μὴ γελᾶν ἐπαινουμένησ ἀκούοντα;