Plato, Republic, book 2 34:

συλλόγου δὲ γενομένου τοῖσ ποιμέσιν εἰωθότοσ, ἵν’ ἐξαγγέλλοιεν κατὰ μῆνα τῷ βασιλεῖ τὰ περὶ τὰ ποίμνια, ἀφικέσθαι καὶ ἐκεῖνον ἔχοντα τὸν δακτύλιον· καθήμενον οὖν μετὰ τῶν ἄλλων τυχεῖν τὴν σφενδόνην τοῦ δακτυλίου περιαγαγόντα πρὸσ ἑαυτὸν εἰσ τὸ εἴσω τῆσ χειρόσ, τούτου δὲ γενομένου ἀφανῆ αὐτὸν γενέσθαι τοῖσ παρακαθημένοισ, καὶ διαλέγεσθαι ὡσ περὶ οἰχομένου.