Demosthenes, Speeches 21-30, Κατὰ Ἀνδροτίωνοσ Παρανόμων 14:

διὰ ταῦτα γάρ, ὦ ἄνδρεσ Ἀθηναῖοι, τοῦτον ἔχει τὸν τρόπον ὁ νόμοσ, μὴ ἐξεῖναι τῇ βουλῇ μὴ ποιησαμένῃ τὰσ τριήρεισ αἰτῆσαι τὴν δωρειάν, ἵνα μηδὲ πεισθῆναι μηδ’ ἐξαπατηθῆναι γένοιτ’ ἐπὶ τῷ δήμῳ. οὐ γὰρ ᾤετο δεῖν ὁ τιθεὶσ τὸν νόμον ἐπὶ τῇ τῶν λεγόντων δυνάμει τὸ πρᾶγμα καταστῆσαι, ἀλλ’ ὃ δίκαιον ἦν εὑρεῖν ἅμα καὶ συμφέρον τῷ δήμῳ, νόμῳ τετάχθαι. τὰσ τριήρεισ οὐ πεποίησαι; μὴ τοίνυν αἴτει τὴν δωρειάν. ὅπου δ’ αἰτεῖν οὐκ ἐᾷ, πῶσ οὐ σφόδρα δοῦναί γε κωλύει;