Demosthenes, Speeches 21-30, Πρὸσ Ἄφοβον ὑπὲρ Φάνου Ψευδομαρτυριῶν 64:

ἔτι δὲ τοῦτον, εἴ τι τούτων ἀληθὲσ ἦν, οἰέσθ’ οὐκ ἂν αὐτὴν λαβεῖν δοθεῖσαν ὑπὸ τοῦ πατρόσ; ὃσ τὴν μὲν προῖκ’ αὐτῆσ ἤδη, τὰσ ὀγδοήκοντα μνᾶσ, ἔχων ὡσ αὐτῇ συνοικήσων, τὴν Φιλωνίδου τοῦ Μελιτέωσ θυγατέρ’ ἔγημεν δι’ αἰσχροκερδίαν, ἵνα πρὸσ αἷσ εἶχεν παρ’ ἡμῶν, ἑτέρασ ὀγδοήκοντα μνᾶσ λάβοι παρ’ ἐκείνου· τεττάρων δὲ ταλάντων ἔνδον ὄντων καὶ ταῦτ’ ἐκείνησ ἐχούσησ, ὡσ οὗτόσ φησιν, οὐκ ἂν ἡγεῖσθ’ αὐτὸν κἂν ἐπιδραμεῖν, ὥστε γενέσθαι μετ’ ἐκείνησ αὐτῶν κύριον;