Demosthenes, Speeches 21-30, Κατὰ Τιμοκράτους 292:

προσθεῖναι δὲ τεκμήριον τοῦ καὶ μεῖζον εἶναι τἀδίκημα, τὸ τοὺσ νόμουσ διαφθείρειν ἢ τὸ ἀργύριον, ὅτι ἀργυρίῳ μὲν πολλαὶ τῶν πόλεων καὶ φανερῶσ πρὸσ χαλκὸν καὶ μόλυβδον κεκραμένῳ χρώμεναι σῴζονται καὶ οὐδ’ ὁτιοῦν παρὰ τοῦτο πάσχουσιν, νόμοισ δὲ πονηροῖσ χρώμενοι καὶ διαφθείρεσθαι τοὺσ ὄντασ ἐῶντεσ οὐδένεσ πώποτ’ ἐσώθησαν. ταύτῃ μέντοι τῇ κατηγορίᾳ Τιμοκράτησ ἔνοχοσ καθέστηκε νυνί, καὶ δικαίωσ ἂν ὑφ’ ὑμῶν τοῦ προσήκοντοσ τύχοι τιμήματοσ.