Demosthenes, Speeches 21-30, Κατὰ Τιμοκράτους 288:

καὶ μὴν εἰ Σόλωνα καὶ Δράκοντα δικαίωσ ἐπαινεῖτε, οὐκ ἂν ἔχοντεσ εἰπεῖν οὐδετέρου κοινὸν εὐεργέτημ’ οὐδὲν πλὴν ὅτι συμφέροντασ ἔθηκαν καὶ καλῶσ ἔχοντασ νόμουσ, δίκαιον δήπου καὶ τοῖσ ὑπεναντίωσ τιθεῖσιν ἐκείνοισ ὀργίλωσ ἔχοντασ καὶ κολάζοντασ φαίνεσθαι. οἶδα δὲ Τιμοκράτην, ὅτι τὸν νόμον εἰσενήνοχε τοῦτον οὐχ ἥκισθ’ ὑπὲρ αὑτοῦ· πολλὰ γὰρ ἡγεῖτο πολιτεύεσθαι παρ’ ὑμῖν ἄξια δεσμοῦ.