Demosthenes, Speeches 21-30, Κατὰ Τιμοκράτους 234:

καίτοι εἴ τισ ἔροιτ’ αὐτὸν ἢ σέ, ὦ Τιμόκρατεσ, τὸν ἐπαινέτην τούτων καὶ συνεργόν, τὰσ εἰσφορὰσ πότερον τὰ κτήματ’ ἢ τὰ σώματ’ ὀφείλει, τὰ κτήματα φήσαιτ’ ἄν, εἴπερ ἀληθῆ λέγειν βούλοισθε· ἀπὸ γὰρ τούτων εἰσφέρομεν. τίνοσ οὖν ἕνεκ’, ὦ κάκιστοι πάντων ἀνθρώπων, ἀφέντεσ τὸ τὰ χωρία δημεύειν καὶ τὰσ οἰκίασ καὶ ταῦτ’ ἀπογράφειν, ἐδεῖτε καὶ ὑβρίζετε πολίτασ ἀνθρώπουσ καὶ τοὺσ ταλαιπώρουσ μετοίκουσ, οἷσ ὑβριστικώτερον ὑμεῖσ ἢ τοῖσ οἰκέταισ τοῖσ ὑμετέροισ αὐτῶν ἐχρῆσθε;