Demosthenes, Speeches 21-30, Κατὰ Τιμοκράτους 176:

σὺ τοίνυν τὸ παθεῖν ἀφαιρεῖσ τὸν δεσμὸν ἀφιείσ· καὶ ταῦτα τίσιν; τοῖσ κλέπταισ, τοῖσ ἱεροσύλοισ, τοῖσ πατραλοίαισ, τοῖσ ἀνδροφόνοισ, τοῖσ ἀστρατεύτοισ, τοῖσ λιποῦσι τὰσ τάξεισ· τούτουσ γὰρ πάντασ σῴζεισ τῷ νόμῳ. καίτοι ὅστισ ἐν δημοκρατίᾳ νομοθετῶν μήθ’ ὑπὲρ τῶν ἱερῶν μήθ’ ὑπὲρ τοῦ δήμου νομοθετεῖ, ἀλλ’ ὑπὲρ ὧν εἶπον ἀρτίωσ, πῶσ οὐ δίκαιόσ ἐστι τῆσ ἐσχάτησ τιμωρίασ τυχεῖν;