Demosthenes, Speeches 21-30, Κατὰ Τιμοκράτους 173:

καὶ οὐκ ἀπέχρησεν ὑπὲρ τῶν μελλόντων αὐτῷ ταῦτ’ ἀδικεῖν, ἀλλὰ καὶ εἴ τισ ἄρ’ ἠδικηκὼσ καὶ κεκολασμένοσ ἦν, καὶ τοῦτον ἀφῆκεν. καίτοι ἔγωγ’ ᾤμην δεῖν τὸν νομοθετοῦντα περὶ τῶν μελλόντων ἔσεσθαι, οἱᾶ δεῖ γίγνεσθαι καὶ ὡσ ἕκαστ’ ἔχειν, καὶ τὰσ τιμωρίασ ὁποίασ τινὰσ ἐφ’ ἑκάστοισ δεῖ τοῖσ ἀδικήμασιν εἶναι, περὶ τούτων νομοθετεῖν· τοῦτο γάρ ἐστι τὸ ἐφ’ ἅπασι τοῖσ πολίταισ κοινοὺσ τοὺσ νόμουσ τιθέναι. τὸ δὲ περὶ τῶν γεγονότων πραγμάτων νόμουσ γράφειν, οὐ νομοθετεῖν ἐστιν, ἀλλὰ τοὺσ ἀδικοῦντασ τῆσ ἐνάτησ πρυτανείασ;