Demosthenes, Speeches 21-30, Κατὰ Τιμοκράτους 161:

ὅμοιόσ γ’, οὐ γάρ; ὦ ἄνδρεσ Ἀθηναῖοι, Σόλων νομοθέτησ καὶ Τιμοκράτησ. ὁ μέν γε καὶ τοὺσ ὄντασ βελτίουσ ποιεῖ καὶ τοὺσ μέλλοντασ ἔσεσθαι· ὁ δὲ καὶ τοῖσ γεγενημένοισ πονηροῖσ, ὅπωσ μὴ δώσουσι δίκην, ὁδὸν δείκνυσιν, καὶ τοῖσ οὖσιν ὅπωσ ἄδεια γενήσεται κακουργεῖν εὑρίσκει, καὶ τοῖσ μέλλουσιν ἔσεσθαι, τοὺσ ἐξ ἁπάντων τῶν χρόνων πονηρούσ, ὅπωσ ἔσονται σῷοι καὶ μηδὲν πείσονται, παρασκευάζων.