Demosthenes, Speeches 21-30, Κατὰ Τιμοκράτους 102:

(데모스테네스, Speeches 21-30, Κατὰ Τιμοκράτους 102:)

καίτοι τίνοσ ἂν ὑμῖν ἀποσχέσθαι δοκεῖ λήμματοσ ἢ τί ποιεῖν ἂν ὀκνῆσαι κέρδουσ εἵνεκα, ὅστισ ἐναντί’ αὐτὸσ αὑτῷ νομοθετεῖν ἠξίωσεν, οὐδὲ τοῖσ ἄλλοισ τῶν νόμων ἐώντων; ἐμοὶ μὲν γὰρ εἵνεκ’ ἀναιδείασ ὁ τοιοῦτοσ δοκεῖ πᾶν ἂν ἑτοίμωσ ἔργον ποιῆσαι. ὥσπερ τοίνυν, ὦ ἄνδρεσ Ἀθηναῖοι, τῶν περὶ τἄλλα κακούργων τοὺσ ὁμολογοῦντασ ἄνευ κρίσεωσ κολάζειν οἱ νόμοι κελεύουσιν, οὕτω δίκαιον καὶ τούτου, ἐπειδὴ τοὺσ νόμουσ κακουργῶν εἴληπται, μὴ δόντασ λόγον μηδ’ ἐθελήσαντασ ἀκοῦσαι καταψηφίσασθαι· ὡμολόγηκε γὰρ θατέρῳ τῷ προτέρῳ νόμῳ τόνδε τιθεὶσ ἀδικεῖν.

일치하는 문장이 없습니다.

SEARCH

MENU NAVIGATION