Demosthenes, Speeches 21-30, Κατὰ Τιμοκράτους 72:

βουλόμενοσ δὴ μηδεμίαν πρόφασιν τοῦ τὰ κοινὰ κακῶσ ἔχειν ὑπολιπεῖν, τοὺσ μετὰ τῶν νόμων κρίσει καὶ δικαστηρίῳ μὴ δίκαια ποιεῖν ἐγνωσμένουσ οὐκ ᾤετο δεῖν τῆσ εὐηθείασ τῆσ ὑμετέρασ ἀπολαύειν, τὸ δεῖσθαι καὶ μετὰ συμφορᾶσ ἱκετεύειν ἔχοντασ ἀφορμήν, ἀλλ’ ὅλωσ ἀπεῖπεν μήτ’ αὐτῷ μήτ’ ἄλλῳ μηδενὶ μήθ’ ἱκετεύειν μήτε λέγειν ὑπὲρ τῶν τοιούτων, ἀλλὰ ποιεῖν τὰ δίκαια σιγῇ.