Demosthenes, Speeches 21-30, Κατὰ Τιμοκράτους 39:

ἢ πῶσ οὐ σχέτλιον τὴν μὲν πόλιν αὐτὴν ἑκάστῳ ἡμῶν δεδωκέναι ἄδειαν τοῦ μή τι παθεῖν ἀηδὲσ ἢ δεινὸν ἐν τούτῳ τῷ χρόνῳ ποιήσασαν ἱερομηνίαν, αὐτὴν δὲ μὴ τετυχηκέναι ταύτησ τῆσ ἀσφαλείασ παρὰ Τιμοκράτουσ, ἀλλ’ ἐν αὐτῇ τῇ ἱερομηνίᾳ τὰ μέγιστ’ ἠδικῆσθαι; τί γὰρ ἄν τισ μεῖζον ἠδίκησ’ ἰδιώτησ ἀνὴρ ἢ καταλύων τοὺσ νόμουσ αὐτῆσ, δι’ ὧν οἰκεῖται;