호흡부호 보기
강세부호 보기
장단부호 보기
작은 Iota 보기
모든 부호 보기
καὶ πάλιν Περδίκκᾳ τῷ κατὰ τὴν τοῦ βαρβάρου ποτ’ ἐπιστρατείαν βασιλεύοντι Μακεδονίασ, τοὺσ ἀναχωροῦντασ ἐκ Πλαταιῶν τῶν βαρβάρων διαφθείραντι καὶ τέλειον τἀτύχημα ποιήσαντι τῷ βασιλεῖ, οὐκ ἐψηφίσαντ’ ἀγώγιμον, ἄν τισ ἀποκτείνῃ Περδίκκαν, ᾧ βασιλεὺσ ἐχθρὸσ δι’ ἡμᾶσ ἀπεδέδεικτο, ἀλλὰ πολιτείαν ἔδωκαν μόνον. καὶ γάρ τοι τότε μὲν οὕτω τίμιον ἦν πᾶσιν ἀνθρώποισ τὸ γενέσθαι πολίταισ παρ’ ὑμῖν ὥσθ’ ὑπὲρ τοῦ τυχεῖν τούτου τηλικαῦθ’ ὑμᾶσ ἀγάθ’ ἤθελον ποιεῖν, νῦν δ’ οὕτωσ ἄτιμον ὥστε τῶν τετυχηκότων πολλοὶ πλείω κακὰ τῶν φανερῶσ ἐχθρῶν εἰσιν ὑμᾶσ εἰργασμένοι.
호흡부호 보기
강세부호 보기
장단부호 보기
작은 Iota 보기
모든 부호 보기