Demosthenes, Speeches 21-30, Κατὰ Ἀριστοκράτους 272:

ἔστιν τοίνυν τισ αὐτοῖσ τοιοῦτοσ λόγοσ δι’ οὗ προσδοκῶσι παράξειν ὑμᾶσ, ὡσ ὁ Κερσοβλέπτησ καὶ Χαρίδημοσ ἴσωσ ἐναντί’ ἔπραττον τῇ πόλει τόθ’ ὅτ’ ἦσαν ἐχθροί, νῦν δὲ φίλοι καὶ χρησίμουσ παρέχουσιν ἑαυτούσ. οὐ δὴ δεῖ μνησικακεῖν· οὐδὲ γὰρ Λακεδαιμονίουσ ὅτ’ ἐσῴζομεν, οὐκ ἀνεμιμνῃσκόμεθ’ εἴ τι κακῶσ ἐποίησαν ἡμᾶσ ὄντεσ ἐχθροί, οὐδὲ Θηβαίουσ, οὐδ’ Εὐβοέασ τὰ τελευταῖα νυνί.