Demosthenes, Speeches 21-30, Κατὰ Ἀριστοκράτους 265:

τὸ τελευταῖον δὲ νυνὶ κἂν φύλακασ κατέστησαν ὑμᾶσ ἐκείνου διὰ τοῦ προβουλεύματοσ τούτου, εἰ μὴ τὴν γραφὴν ἐποιησάμεθ’ ἡμεῖσ ταυτηνί, καὶ τὸ τοῦ μισθοφόρου καὶ θεραπεύοντοσ ἐκεῖνον ἔργον ἡ πόλισ ἂν διεπράττετο, ἐφρούρει Χαρίδημον. καλόν γ’, οὐ γάρ; ὦ Ζεῦ καὶ θεοί, ὃσ αὐτόσ ποτε τοὺσ ὑμετέρουσ ἐχθροὺσ μισθὸν λαμβάνων ἐδορυφόρει, τοῦτον ὑφ’ ὑμετέρου ψηφίσματοσ φανῆναι φυλαττόμενον.