Demosthenes, Speeches 21-30, Κατὰ Ἀριστοκράτους 177:

οὐ τοίνυν ἔγωγ’ οὐδ’ ἐκεῖν’ ἰδεῖν δύναμαι, ὡσ οὐχὶ πάντεσ ἄνθρωποι τούτων ἀξιώσουσι τυχεῖν, ὅσοισ πέρ ἐστι καὶ ἡτισοῦν εὐεργεσίασ πρόφασισ πρὸσ ὑμᾶσ, εἰ Χαριδήμῳ δώσετε, οἱο͂ν, εἰ βούλεσθε, Σίμων, Βιάνωρ, Ἀθηνόδωροσ, ἄλλοι μυρίοι. εἰ μὲν τοίνυν πᾶσι ψηφιούμεθα ταῦτα, λήσομεν, ὡσ ἐοίκε, μισθοφόρων ἔργον ἀνθρώπων ποιοῦντεσ τὴν ἑκάστου σωτηρίαν τούτων δορυφοροῦντεσ· εἰ δὲ τῷ μέν, τοῖσ δ’ οὔ, δικαίωσ ἐγκαλοῦσιν οἱ μὴ τυχόντεσ.