Demosthenes, Speeches 21-30, Κατὰ Ἀριστοκράτους 172:

ἀλλ’ ὅμωσ, ἐπειδὴ πονηρὸσ καὶ θεοῖσ ἐχθρὸσ ἦν καὶ μεγάλ’ ὑμᾶσ ἠδίκει, τοὺσ ἀποκτείναντασ ἐκεῖνον Πύθωνα καὶ Ἡρακλείδην, τοὺσ Αἰνίουσ, πολίτασ ἐποιήσασθ’ ὡσ εὐεργέτασ καὶ χρυσοῖσ στεφάνοισ ἐστεφανώσατε. εἰ δὴ τότε, ὅθ’ ὑμῖν οἰκείωσ ἔχειν ὁ Κότυσ ἐδόκει, ἔγραψέ τισ, ἄν τισ ἀποκτείνῃ Κότυν, ἔκδοτον αὐτὸν εἶναι, πότερ’ ἐξέδοτ’ ἂν τὸν Πύθωνα καὶ τὸν ἀδελφόν, ἢ παρὰ τὸ ψήφισμα τοῦτο πολίτασ ἐποιεῖσθε καὶ ὡσ εὐεργέτασ ἐτιμᾶτε;