Demosthenes, Speeches 21-30, Κατὰ Ἀριστοκράτους 171:

ὅτι τοίνυν ὅλωσ οὐδ’ ὑγιαινόντων ἐστὶν ἀνθρώπων τοιαῦτα γράφειν ψηφίσματα καὶ διδόναι τισὶ τοιαύτασ δωρειάσ, καὶ τοῦτ’ ἐκ πολλῶν ῥᾴδιον γνῶναι. ἴστε γὰρ δήπου πάντεσ, ὦ ἄνδρεσ Ἀθηναῖοι, τοῦθ’ ὁμοίωσ ἐμοί, ὅτι τὸν Κότυν ποτ’ ἐκεῖνον ἐποιήσασθε πολίτην, δῆλον ὡσ κατ’ ἐκεῖνον τὸν χρόνον εὔνουν ἡγούμενοι. καὶ μὴν καὶ χρυσοῖσ στεφάνοισ ἐστεφανοῦτε, οὐκ ἄν, εἴ γ’ ἐχθρὸν ἡγεῖσθε.