Demosthenes, Speeches 21-30, Κατὰ Ἀριστοκράτους 134:

ἔστω φησὶν ὑπὲρ αὐτοῦ ἡ αὐτὴ τιμωρία καθάπερ ἂν τὸν Ἀθηναῖον ἀποκτείνῃ, κυρίουσ μὲν ἐῶντεσ τοὺσ περὶ τούτων ὑπάρχοντασ ὑμῖν νόμουσ, σεμνοὺσ δ’ ἀποφαίνοντεσ, οἵ γ’ ἐν δωρειᾶσ ἐποιήσαντο τάξει τὸ τούτων μεταδοῦναι. ἀλλ’ οὐκ Ἀριστοκράτησ, ἀλλὰ προπηλακίζει μὲν καθ’ ὅσον δύναται τούτουσ ὡσ γοῦν οὐδενὸσ ἀξίων ἴδιόν τι γράφειν ἐπεχείρησεν, μικρὰν δ’ ἀποφαίνει κἀκείνην τὴν δωρειὰν ᾗ τὴν πολιτείαν δεδώκατε τῷ Χαριδήμῳ. ὃσ γάρ, ὡσ ἀγαπώντων τοῦθ’ ὑμῶν καὶ προσοφειλόντων χάριν αὐτῷ, γέγραφεν καὶ πρὸσ φυλάττειν ὑμᾶσ ἐκεῖνον, ὅπωσ ἀδεῶσ ὅ τι ἂν βούληται ποιῇ, πῶσ οὐ τοῦθ’ ὃ λέγω διαπράττεται;